पत्रकार महर्जनलाई तत्काल रिहा गर्न महासंघको माग

वैशाख ९, २०७६ सोमबार ८:३६:३१ | उज्यालो सहकर्मी

काठमाण्डौ – नेपाल पत्रकार महासंघले सर्वोच्च अदालत परिसरबाटै पक्राउ गरिएका पत्रकार जितेन्द्र महर्जनलाई तत्काल रिहा गर्न माग गरेको छ । सर्वोच्च अदालतले आइतबार महर्जनलाई गैरकानूनी थुनामा राखेको ठहर गर्दै रिहा गर्न आदेश दिए लगत्तै प्रहरीले फेरि पक्राउ गरेको थियो ।

समाचार लेखेकै कारण पत्रकारहरुमाथि विद्युतीय कारोवार ऐन, राज्य विरुद्धको अपराध जस्ता गम्भीर अभियोग लगाउँदै गैरकानूनी गिरफ्तारी गर्ने कामको विरोधमा पत्रकार महासंघले आन्दोलन गरिरहेका बेला सर्वोच्च अदालतले रिहा गर्न आदेश दिएका पत्रकारलाई अदालत परिसरबाटै पक्राउ गर्ने कामले लोकतन्त्र, मानवअधिकार, विधिको शाशन र स्वतन्त्र पत्रकारिताकै खिल्ली उडाएको महासंघका महासचिव रमेश विष्टले निकालेको विज्ञप्तिमा उल्लेख गरिएको छ ।

घटना संविधान तथा प्रेस स्वतन्त्रता विरोधी भएकाले तत्काल महर्जनलाई रिहा गरि यो काममा संलग्न सबैलाई कारबाही गर्न माग गरेको छ । पक्राउ परेका पत्रकार महर्जनको रिहाई र प्रेस तथा अभिव्यक्ति स्वतन्त्रताको सुनिश्चितताका लागि महासंघ आन्दोलनका कार्यक्रम तय गर्न केन्द्रीय समितिको आकस्मिक बैठक मंगलबार बोलाइएको महासंघले जनाएको छ ।

यस्तै, टुडेखबर डटकमका सम्पादक तथा एबीसी टेलिभिजनका पत्रकार अनन्त अनुरागलाई राष्ट्रिय जनता पार्टी राजपा नेपालको भातृ संगठन ‘राष्ट्रिय विद्यार्थी संघ’ ले समाचारको विषयमा भौतिक आक्रमण गर्ने आसयको विज्ञप्ति निकालेकोमा नेपाल प्रेस युनियनले आपत्ति जनाएको छ ।

पत्रकारलाई समाचारकै विषयमा भौतिक आक्रमण गर्ने चेतावनी लिखित रुपमै दिनु प्रेस तथा अभिव्यक्ति स्वतन्त्रता र आम नागरिकको सूचना पाउने हक कुण्ठित पार्न खोजिएको साथै संचारकर्मीको भौतिक सुरक्षाको प्रत्याभूति हुन नसकेको भन्दै प्रेस युनियनले धम्की दिने आफ्ना विद्यार्थी संगठनका नेतालाई कारवाही गर्न राजपासँग माग गरेको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्