हात्तीको दाह्रासहित दुई जना पक्राउ

वैशाख २०, २०७६ शुक्रबार ६:२७:५० | उज्यालो सहकर्मी

भक्तपुर – मध्यपुर थिमि नगरपालिका वडा नम्बर–१, कौशलटारबाट प्रहरीले हात्तीको दाह्रासहित दुई जनालाई बिहीबार पक्राउ गरेको छ ।

पक्राउ पर्नेमा दोलखा बैतेश्वर गाउँपालिका ४ घर भई हाल काठमाण्डौ स्वयम्भू सानो भर्‍‍याङ बस्ने ३० वर्षीय रुपेश खड्का र गुल्मी रुरु गाउँपालिका ५ घर भई हालस्वयम्भु सानो भर्‍याङ बस्ने २३ वर्षीय भाष्कर पौडेल रहेको महानगरीय प्रहरी परिषर भक्तपुरका प्रहरी नायब उपरीक्षक रेवतीरमण पोखरेलले जानकारी दिनुभयो ।

महानगरीय प्रहरी परिसर भक्तपुरबाट खटिएको प्रहरी टोलीले २५० ग्रामको हात्तीको दाह्रा बिक्रीका लागि लैजाँदै गरेको अबस्थामा एकथान हात्तीको दाह्रासहित पक्राउ गरी अनुसन्धान सुरु गरेको उहाँले बताउनुभयो ।

त्यसैगरी भक्तपुरको सूर्यविनायक नगरपालिका–६ सूर्यविनायक चोकमा दुईथान चितुवाको छाला र भालुको पित्तथैली सहित प्रहरीले पाँच जनालाई पक्राउ गरी शुक्रबार सार्वजनिक गरेको छ ।

पक्राउ पर्नेमा मकवानपुर भिमफेदी गाउँपालिका ८ घर भई हाल ललितपुर चापागाउँ बस्ने ४० वर्षीय आनन्द तामाङ, ओखलढुङ्गा चिसङ्खु घर भई हाल काठमाण्डौ बौद्ध बस्ने २४ वर्षीय मनोज कार्की, सिन्धुपाल्चोक चौतारा साँगाचोक गढी नगरपालिका १२ का ३१ वर्षीय नरेन्द्र तामाङ, सिन्धुली गोलन्जोर ७ का ३५ वर्षीय रत्न बहादुर माझी र सिन्धुली गोलन्जोर २ का ३४ वर्षीय बिष्णु बहादुर माझी रहेका छन् ।

महानगरीय प्रहरी परिषर भक्तपुरको विशेष टोलीले सूर्यविनायक चोकमा जाँचका क्रममा वन्यजन्तुको छाला र अंग बिक्री गर्ने उद्देश्यले हिँडिरहेको अवस्थामा पक्राउ गरेको महानगरीय प्रहरी परिषर भक्तपुरका प्रहरी नायब उपरीक्षक रेवतीरमण पोखरेलले जानकारी दिनुभयो ।

प्रहरीले निजहरुको साथबाट बरामद गरेको चितुवाको छाला दुई थान, अन्दाजी ७५ ग्रामको भालुको पित्तथैली एक थानसहित बिहीबार सार्वजनिक गरेको हो । बरामद भएको जंगली जनावरको छाला र पित्तथैली डिभिजन वन कार्यालय भक्तपुरमा बुझाएर थप अनुसन्धान सुरु गरेको उहाँले जानकारी दिनुभयो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्