नातिनीसँगै हजुरबुवा पनि शिशु कक्षामा भर्ना

वैशाख २७, २०७६ शुक्रबार १७:४०:४ | जयराज अवस्थी

बैतडी – ‘खाने मुखलाई जुँगाले छेक्दैन’ भनेजस्तै दार्चुलामा नातिनीलाई विद्यालय भर्ना गर्न पुगेका हजुरबुवा आफू पनि विद्यालय भर्ना भएका छन् ।

दार्चुलाको शैल्यशिखर नगरपालिका वडा नम्बर ९ मा रहेको शैल्यशिखर आधारभूत विद्यालयमा ६५ वर्षीय वृद्ध नातिनीसँगै विद्यालय भर्ना हुनुभएको छ ।

चार वर्षकी नातिनी मनिषा बिष्टसँगै हजुरबुवा लालसिंह विष्ट पनि विद्यालयमा पुगेर शिशु कक्षामा भर्ना भएका विद्यालय निरीक्षक सुरेन्द्रबहादुर विष्टले जानकारी दिनुभयो ।

आफूलाई पढ्न साह्रै रहर लागेर विद्यालय भर्ना भएको लालसिंह बिष्टले बताउनुभयो । पहिलेदेखि नै पढ्ने ठूलो रहर भएको र विभिन्न कारणले पढ्न नपाएकोले अबबाट नियमित रुपमा नातिनीसँगै पोशाकमा विद्यालय आउने र पढ्ने उहाँले बताउनुभयो ।

विद्यालयमा भर्ना भएका वृद्ध लालसिह बिष्टको अभिभावकको जिम्मा शैल्यशिखर नगरपालिका वडा नम्बर ५ का सचिव मोहनसिंह डागाले लिनुभएको छ । उहाँलाई फूलमाल सहित विद्यालयमा स्वागत गरिएको विद्यालयले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्