यस्ता छन् विश्वकप क्रिकेटका रोचक तथ्य

जेठ ३, २०७६ शुक्रबार ९:४७:३० | उज्यालो सहकर्मी

आईसीसी विश्वकप क्रिकेट ३० मे देखि सुरु हुँदैछ जसका लागि सबै टिमले तयारी तीव्र पारेका छन् ।

यसै क्रममा विश्वकप क्रिकेटका केही रोचक तथ्य यस्ता छन्:

१. वेस्ट इण्डिजका क्लाइब लाइव र अस्ट्रेलियाका रिकी पोन्टिङ लगातार दुई पटक विश्व कप जित्ने कप्तान बनेका छन् । वेस्ट इण्डिजका लाइवले १९७५ र १९७९ को विश्वकप जितेका थिए । अस्ट्रेलियाका पोन्टिङले २००३ र २००७ को विश्वकप जिते ।

२. भारतीय बलर चेतन शर्मा विश्वकपमा ह्याट्रिक विकेट लिने पहिलो बलर हुन् । उनले १९८७ को विश्वकपमा ह्याट्रिक विकेट लिएका थिए ।
३. नेदरल्याण्डका नोलान कलार्क सबैभन्दा बढी उमेरमा विश्वकप खेल्ने खेलाडी हुन् । उनले १९९६को विश्वकपमा ४७ वर्ष २५७ दिनमा विश्वकप खेलेर यो रेकर्ड बनाएका थिए ।

४. लगातार तीन पटक विश्वकप जित्ने रेकर्ड अस्ट्रेलियाले बनाएको छ । उसले अहिलेसम्म पाँच पटक विश्वकपको ट्रफी जितेको छ । १९९९, २००३ र २००७ मा लगातार तीन पटक विश्वकप जितेको थियो । त्यस बाहेक अस्ट्रेलियाले १९८७ र २०१५ मा उपाधि जितेको थियो ।

५।पहिलो विश्वकप ६० ओभरको हुन्थ्यो भने पछि ५० ओभरमा झारियो । भारत मात्रै ६० ओभर र ५० ओभरमा विश्वकप जित्ने देश बनेको छ । भारतले १९८३ मा कपिलदेवको पालामा र २०११ मा महेन्द्रसिंह धोनीको कप्तानीमा विश्वकप जितेको थियो ।

६. लगातार पाँच विश्वकप खेल्ने भारतीय खेलाडी सचिन तेन्दुलकर हुन् । अब यो रेकर्ड वेस्टइण्डिजका क्रिस गेलले बनाउँदैछन् । उनले आसन्न विश्वकप खेल्दा पाँच वटा विश्वकप खेल्ने रेकर्ड बनाउने छन् । सचिनले पाँच वटा विश्वकपमा २२७८ रन बनाएर सर्वाधिक रन बनाएका छन् ।

७. सर्वाधिक २३७ रन विश्वकपमा व्यक्तिगत स्कोर हो । यो न्यूजिल्याण्डका मार्टिन गुप्तिलले २०१५ मा वेस्ट इण्डिजविरुद्ध बनाएका थिए ।
८. ३७२ रनको साझेदारी विश्वकपको सर्वाधिक ठूलो साझेदारी हो । वेस्टइण्डिजका क्रिस गेल र मार्लोन स्यामुयलकाबीचमा जिम्बाबेविरुद्ध भएको थियो । जिम्बाबे अहिलेको विश्वकपमा छैन् ।

९. सर्वाधिक विकेट लिने खेलाडी अस्ट्रेलियाका ग्लेन मेक्ग्रा हुन् । उनले विश्वकपमा ७१ विकेट हात पारेका छन् ।
१०.सर्वाधिक क्याच लिएर ब्याट्सम्यानलाई पेभेलियन पठाउने विकेट किपर श्रीलंकाका कुमार सांगकारा हुन् । उनले सर्वाधिक ५४ क्याच आउट गराएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्