मरिण गाँउपालिकाले लागू गर्‍याे स्थानीय पाठ्यक्रम

जेठ ४, २०७६ शनिबार १५:९:२० | बाबुराम देवकोटा

सिन्धुली - सिन्धुलीको मरिण गाँउपालिकाले स्थानीय पाठ्यक्रम निर्माण गरेर लागू गरेको छ ।

स्थानीय विषय वस्तुलाई बुझाउने गरी पठ्यक्रम निर्माण गरेर चालु शैक्षिक सत्रबाट लागू गरिएको गाँउपालिकाले जनाएको छ । पाठ्यक्रममा स्थानीय चाडपर्व, भूगोल, वनस्पति, पर्यावरण भू–विज्ञान, व्यक्तित्व, धर्म, संस्कृति, मेला लगायतलाई समेटेर नौ वटा इकाईमा तयार गरिएको छ ।

गाँउपालिकाका शिक्षा प्रमुख नवराज बरालले गाँउपालिका अन्तर्गत रहेका ४८ वटा सामुदायिक विद्यालयको कक्षा १ देखि ५ सम्म त्याे पाठ्यक्रम लागू गरिएको बताउनुभयो । उहाँले भन्नुभयो, ‘पाठ्यक्रम तयार भएपछि शिक्षकलाई तालिम दिनुका साथै सबै विद्यालयमा पाठ्यपुस्तक र निर्देशिका पठाइसकिएको छ ।’

स्थानीय पाठ्यक्रम एक सय पूर्णाङकको रहेको र अतिरिक्त अङग्रेजी विषयको सट्टामा स्थानीय पायक्रमको पढाइ सुरु गरिएको उहाँले जानकारी दिनुभयो । देशमै पहिलो पटक मरिणा गाँउपालिकाले स्थानीय पाठ्यक्रम तयार पारेको उहाँको दावी छ ।

मरिण गाँउपालिकाको अघिल्लाे वर्ष असारमा सम्पन्न तेस्रो गाससभाले स्थानीय पाठ्यक्रम बनाई सामुदायिक विद्यालयमा लागू गर्ने निर्णय पास गरेको थियो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बाबुराम देवकोटा

बाबुराम देवकोटा सिन्धुलीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्