त्रिभुवन विश्वविद्यालय सेवा आयोग तत्काल खारेज गर्न सरकारसँग गजुरेलकाे माग

 जेठ ८, २०७६ बुधबार १५:३१:१६ | उज्यालो सहकर्मी
unn.prixa.net

काठमाण्डाै – देशभक्त जनगणतान्त्रिक मोर्चा, नेपालका संयोजक सिपी गजुरेलले त्रिभुवन विश्वविद्यालय सेवा आयोग तत्काल खारेज गर्न सरकारसँग माग गर्नु भएको छ ।

संयोजक गजुरेलले भ्रष्टाचारमा मुछिएको भन्दै त्रिभुवन विश्वविद्यालय सेवा आयोग तत्काल खारेज गर्न सरकारसँग माग गर्नु भएको हो । बुधबार अखिल क्रान्तिकारीले यस सेवा आयोग खारेजको माग गर्दै आयोगको कार्यालय मूलगेटमा अनिश्चितकालीन धर्ना कार्यक्रम गरेका थिए ।

कार्यक्रमलाई ऐक्यवद्धता जनाउन धर्नास्थल पुग्नु भएका गजुरेलले योग्यता र क्षमताको आधारमा भन्दा पनि राजनीतिक भागबण्डाको आधारमा परीक्षा लिनेलगायतका गलत काम गर्ने सेवा आयोग खारेज गर्नुको विकल्प नरहेको बताउनुभयाे ।

अखिल क्रान्तिकारीले भ्रष्टाचार गरेको लगायतका आरोप लगाउँदै गएकाे सोमबारबाट यस आयोगको खारेजीको माग गर्दै अनिश्चितकालीन धर्ना कार्यक्रम सुरु गरेको हो ।

भर्ना कार्यक्रममा मोहन बैद्य नेतृत्वको नेकपा क्रान्तिकारी माओवादीका युवा, प्राध्यापकलगायतका संगठनहरुले पनि ऐक्यवद्धता जनाएका छन ।

अन्तिम अपडेट: चैत ११, २०८०

तपाईको प्रतिक्रिया