वर्षाका कारण खोटाङका अधिकांश सडक ठप्प

असार १९, २०७५ मंगलबार १७:२८:१३ | उज्यालो सहकर्मी

खोटाङ – वर्षाका कारण खोटाङका अधिकांश सडक ठप्प भएका छन् ।

हिउँद याममा सञ्चालन हुने जिल्लाका दर्जनौं सडक वर्षाका कारण ठप्प भएको हो । मध्यपहाडी लोकमार्ग अन्तरगत दिक्तेल–चखेवा, दिक्तेल–पाथेका, दिक्तेल–खार्मी, दिक्तेल मात्तिम, दिक्तेल–पञ्चमी लगायतका शाखा सडक ठप्प भएको हो ।

सवारी साधन सञ्चालन नहुँदा आकस्मिक कामका लागि यात्रा गर्नुपर्ने स्थानीय मारमा परेका छन् । दिक्तेललाई केपीलासगढी र ऐसेलुखर्क गाउँपालिकासँग जोड्ने दिक्तेल–ऐसेलुखर्क सडक पनि ठप्प भएको यातायात व्यवसायीको भनाई छ । सडकमा हिलो जमेपछि र कतिपय ठाउँमा पहिरो खस्दा दक्षिणी क्षेत्रका खोटेहाङ गाउँपालिका, जन्तेढुंगा गाउँपालिका, बराहपोखरी गाउँपालिका, दिप्रुङ चुईचुम्मा गाउँपालिकामा कुनै पनि सडक चल्न सकेको छैन ।

हाल मध्यपहाडी लोकमार्ग अन्तरगत दिक्तेल–जयराम तथा दिक्तेल–बुइपा र दिक्तेल–जालपा फेदी सडक मात्र सञ्चालनमा रहेको यातायात व्यवसायी संघका महासचिव रामकुमार हिङमाङले बताउनुभयो ।

मध्यपहाडी लोकमार्ग अन्तरगत दिक्तेल–जयराम सडक स्तरोन्नतीका कारण सञ्चालनमा रहेकाले हाल दिक्तेलबाट काठ्माण्डौं तथा दिक्तेलबाट उदयपुरको कटारी, धरान र विराटनगरसम्मको यातायात सेवा भने हालसम्म रोकिएको छैन ।

केपीलासगढी र ऐसेलुखर्क जानेक्रममा अहिले दिक्तेलबाट जालपा फेदीसम्म मात्र पुग्न सकिन्छ । दिक्तेलबाट फोक्सिङटार जानेक्रममा हाल बुइपासम्म मात्र पुग्न सकिने महासचिव हिङमाङले बताउनुभयो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्