सर्पको खुट्टा सर्पले नै देख्छ, विप्लवको समस्या नेकपालाई नै थाहा छ : नेता पौडेल

जेठ १३, २०७६ सोमबार १९:४१:३५ | डीबी बिष्ट

बझाङ – नेपाली कांग्रेसका वरिष्ठ नेता रामचन्द्र पौडेलले नेत्र विक्रम चन्द्र नेतृत्वको नेकपा विप्लव समूहको समस्यालाई सरकारले वार्ताबाट समाधान गर्नुपर्ने बताउनुभएको छ ।

सोमबार नेपाली कांग्रेस बझाङले आयोजना गरेको आम सभालाई सम्बोधन गर्दै नेता पौडेलले देशमा हिसांत्मक घटना बढ्दै गएकाले विप्लव समूहलाई वार्तामा ल्याएर समस्या समाधान गर्नुको विकल्प नरहेको सुझाव दिनुभयो ।

देश परिवर्तनका लागि गरेका सबै प्रयासहरु सफल भैसकेकाले देशमा विकास र समृद्धिको यात्रा तय गर्नतर्फ सरकार गम्भीर भएर लाग्नु पर्नेमा उहाँले जोड दिनुभयो । ‘विप्लव कसरी जन्मियो ? कहाँबाट जन्मियो र किन आएको यसका बारेमा मैले पटक–पटक प्रधानमन्त्री केपी शर्मा ओली र प्रचण्डको ध्यानार्कषण गराएको छु र समाधान पनि उहाँहरुले नै गर्नुपर्छ,’ नेता पौडेलले भन्नुभयो ।

नेता पौडेलले सरकारले विप्लव माओवादीमाथि नियन्त्रण गर्न प्रतिबन्धको कदम चालेर देशलाई द्वन्द्वमा फसाउन खोजेको आरोप समेत लगाउनुभयो । सर्पको खुट्टा सर्पले नै देख्ने गरेको बताउँदै नेता पौडेलले विप्लवको समस्या र समाधानका बारेमा नेपाली कांग्रेसभन्दा पनि नेकपाका नेता बढी जानकार भएको बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्