जनतालाई भड्काउने छुट कसैलाई छैन : प्रचण्ड

जेठ १४, २०७६ मंगलबार १७:५७:१० | उज्यालो सहकर्मी

काठमाण्डाै - सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले जनतालाई भड्काउने छुट कसैलाई पनि भएको बताउनु भएको छ ।

अध्यक्ष दाहालले देशको इतिहास र प्रकृतिले दिएका सम्पदाहरुको सदुपयोग गर्दै विकास र समृद्धिको बाटोमा अघि बढाउन केन्द्रित हुन पनि सबैलाई आह्वान गर्नुभयो । देशको प्रकृति, विविधता र त्यसभित्रको सानदार एकता देशको समृद्धिका लागि अति उपयोगी रहेको अध्यक्ष दाहालको भनाइ छ । गन्तव्य नेपालद्वारा मंगलबार काठमाण्डौमा आयोजित एक कार्यक्रममा उहाँले विकास निर्माणको कामलाई छिटोभन्दा छिटो गति दिनुपर्ने आवश्यक्ता पनि औंल्याउनुभयो ।

अध्यक्ष दाहालले हिमाल, पहाड र तराईजस्ता भौगोलिक सम्पन्नताले भरिपूर्ण भएर पनि विगतमा नेपालले राजनीतिक अस्थिरताकै कारण प्रगति गर्न नसकेको पनि स्पष्ट पार्नु भयो । उहाँले गौतम बुद्धको नेपाली भूमिलाई समृद्ध बनाउन पर्यटन प्रवद्र्धन गरेर अघि बढने योजना पनि अघि सार्नु भयो । त्यस अवसरमा अध्यक्ष दाहालले गन्तव्य नेपालले ‘नेपाल भ्रमण वर्ष–२०१९’लाई सफल बनाउन पुर्‍याउँदै आएको योगदानको पनि खुलेर प्रशंसा गर्नु भएको थियो ।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्