वेष्ट इण्डिजसँग न्यूजील्याण्ड ९१ रनले पराजित

जेठ १५, २०७६ बुधबार ७:५२:१२ | एजेन्सी

विश्वकपको पूर्वसन्ध्यामा भैरहेको अभ्यास खेलमा वेष्ट इण्डिजले न्यूजील्याण्डलाई ९१ रनले हराएको छ ।

यो विश्वकपमा अहिलेसम्मकै कीर्तिमान स्कोर बन्छ भन्ने अनु्मानलाई वेष्ट इण्डिज र न्यूजील्याण्डबीचको खेलले संकेत समेत दिएको छ ।

पहिला ब्याटिङ गर्दै वेष्ट इण्डिजले ४२१ रनको विशाल योगफल तयार पारेको थियो । टस हारेर ब्याटिङको निम्तो पाएको इण्डिजले ४९.२ ओभरमा सबै विकेट गुमाउँदै ४२१ रन बनाएको थियो ।

इण्डिजका लागि साई होपले शतकीय योगदान दिए । उनले ८६ बलमा १०१ रन बनाएका थिए । आन्द्रे रसेलले २५ बलमा ५४ रन बनाउँदा इभिन लुइसले पनि ५० रनको अर्धशतकीय पारी खेले । कप्तान ज्यासन होल्डरले ३२ बलमा ४७ रन र क्रिश गेलले २२ बलमा ३६ रन जोडे ।

ब्लिङतर्फ ट्रेन्ट बोल्टले चार विकेट लिए भने म्याट हेनरीले दुई विकेट लिए ।

४२२ रनको लक्ष्य पछ्याएको न्यूजिल्याण्डले पनि उत्कृष्ट प्रदर्शन गर्‍यो । उसका टम ब्लन्डेलले शतकीय योगदान दिए भने केन विलियमसनले ८५ रनको उत्कृष्ट इनिङ खेले । इश सोधीले पनि ३९ रन बनाउँदा न्यूजील्याण्डले ३३० रनको सम्मानजनक योगफल तयार पार्‍यो ।

न्यूजील्याण्डलाई ४७.२ ओभरमा अलआउट पार्नका लागि कार्लोस ब्राथह्वाइटले तीन विकेट लिए भने फावियन एलेनले दुई विकेट लिए ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्