बालिका बलात्कारको आरोपमा एक जना पक्राउ

जेठ १७, २०७६ शुक्रबार १३:४५:२ | उज्यालो सहकर्मी

पर्वत – ७ वर्षीया बालिका बलात्कार गरेको आरोपमा एक जना पक्राउ परेका छन् । पर्वत पैयूँ गाउँपालिका–६ सरौँखोला घर भएका १९ वर्षीय सुरज परियारलाई इलाका प्रहरी कार्यालय हुवासले बिहीबार बेलुका पक्राउ गरेको हो ।

बालिकालाई परियारले पर्वत विहादी गाउँपालिका–५ उराम खोरपोखराको जंगलमा लगेर बलात्कार गरेको भन्दै पीडित पक्षले प्रहरीलाई खबर गरेपछि परियारलाई पक्राउ गरिएको हो । आरोपित परियार चन्द्र माध्यमिक विद्यालय उराम खोरपोखरामा ज्यामी काम गर्दै आएका थिए ।

इलाका प्रहरी कार्यालय हुवासका प्रमुख प्रहरी निरीक्षक मित्रबहादुर आचार्यका अनुसार स्थानीयबासीन्दाको सहयोगमा आरोपित परियारलाई नियन्त्रणमा लिई थप अनुसन्धान तथा कारबाहीका लागि जिल्ला प्रहरी कार्यालय पर्वतमा पठाइएको छ ।

पीडित बालिकाको गण्डकी क्षेत्रीय अस्पताल पोखरामा स्वास्थ्य परीक्षण गरिएको छ । घटनाको विषयमा अनुसन्धान भैरहेको पनि जिल्ला प्रहरी कार्यालय पर्वतका प्रहरी निरीक्षक रविन्द्रकुमार श्रेष्ठले जानकारी दिनुभयो ।

अन्तिम अपडेट: पुस २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्