खोलामा डुबेर ज्यान गुमाएका विद्यार्थीका परिवारलाई ६ लाख

जेठ २०, २०७६ सोमबार ८:१८:४३ | उज्यालो सहकर्मी

खोटाङ - खोलामा डुबेर ज्यान गुमाएका दिक्तेल रुपाकोट मझुवागढी नगरपालिका–४ खाल्लेका १९ वर्षिय एलिस बस्नेत र बिक्रम भट्टराईका परिवारलाई दिक्तेल प्राविधिक शिक्षालय ६/६ लाख दिन सहमत भएको छ ।

प्रयाेगात्मक अध्ययनका लागि शनिबार प्राविधिक शिक्षालयले साप्सु खोलामा लगेकोबेला दुबै जनाकाे दहमा डुबेर ज्यान गएकाे थियाे ।

जिल्ला प्रशासन कार्यालयमा आइतबार भएको छलफलमा शिक्षालयका सञ्चालकले मृतक परिवारलाई ५/५ लाख राहत तथा १/१ लाख किरिया खर्च दिन सहमत भएको प्रमुख जिल्ला अधिकारी बिष्णुहरि उपाध्ययले बताउनुभयो ।

मृतक परिवारलाई तत्काल ५० हजार दिने र बाँकी रकम १५ दिनभित्र दिने सहमती भएको पनि प्रमुख जिल्ला अधिकारी उपाध्यायले जानकारी दिनुभयाे । वार्ताका माध्यमबाट सहमती जुटेपछि सोमबार मृतकको पोष्टमार्टम गर्ने तयारी गरिएको प्रशासनले जनाएको छ । सुरुमा डुबेका भट्टराईलाई जोगाउनेक्रममा बस्नेतले पनि ज्यान गुमाएको प्रहरी निरिक्षक केशव खड्काले बताउनुभयो ।

एलिसका मामा बिनोद बस्नेतका अनुसार छलफलमा दिक्तेल रुपाकोट मझुवागढी नगरपालिकालेसमेत मृतक विद्यार्थीको स्मृतिमा कार्यक्रम गर्ने प्रतिवद्धता जनाएको छ ।

वडा कार्यालयका तर्फबाट पनि मृतक बिद्यार्थीको नाममा सामाजिक काम गरिने वडाध्यक्ष डिल्ली राईले बताउनुभयो । राहत माग गर्दै मृतक परिवारले आईतबार दिक्तेलमा नारा जुलुस निकालेका थियो ।

अन्तिम अपडेट: फागुन १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्