सांसद लामाले दिए दोलखाका स्थानीय तहलाई एम्बुलेन्स र शववाहन

जेठ २१, २०७६ मंगलबार २०:३:५९ | उषा तामाङ

दोलखा – संघीय सांसद जिपछिरिङ लामाले दोलखाका स्थानीय तहलाई एम्बुलेन्स र शववाहन सहयोग गर्नुभएको छ ।

सांसद लामाले आफ्ना स्वर्गीय बुबाआमाको सम्झनामा स्थापना गर्नुभएको तेङिमादाडोमा स्मृति प्रतिष्ठानबाट मंगलबा ४ वटा एम्बुलेन्स र २ वटा शववाहन हस्तान्तरण गर्नुभएको हो ।

सदरमुकाम चरिकोटमा आयोजित कार्यक्रममा जिल्लाको भीमेश्वर नगरपालिका र जिरी नगरपालिकालाई शव वाहन हस्ताण्तरण गरिएको छ । त्यस्तै जिरीस्थित जिल्ला अस्पताल, वैत्यश्वर गाउँपालिका, गौरीशंकर गाउँपालिका र शैलुङ गाउँपालिकालाई एक–एक वटाका दरले एम्बुलेन्स हस्ताण्तरण गरिएको छ ।

प्रतिष्ठानबाट यसअघि मंसिर २३ गते काठमाण्डौमा कार्यक्रम आयोजना गरी कालिन्चोक, विगु, तामाकोशी र मेलुङ गाउँपालिकालाई एम्बुलेन्स हस्तान्तरण गरिसकिएको छ ।

योसँगै तेङिमा–दाडोमा स्मृति प्रतिष्ठानले जिल्लाको नौवटै स्थानीय तहलाई एम्बुलेन्स सहयोग गरेको छ । जिल्लाका २ वटा नगरपालिका र ७ वटा गाउँपालिकामा एम्बुलेन्स पुगेको छ ।

शववाहन आएपछि सहज

दोलखामा हालसम्म एउटा पनि शववाहन नभएको अवस्थामा तेङिमा दाडोमा प्रतिष्ठानले शववाहन सहयोग गरेपछि सहज भएको छ । मृत शरीर एक ठाउँबाट अर्को ठाउँ लैजानका लागि हजारौँ रुपैयाँ तिर्नुपर्ने बाध्यताबाट दोलखावासी मुक्त भएका छन् । विविध कारणले मृत्युवरण गरेका आफन्तलाई अन्तिम संस्कारका लागि लैजाने क्रममा निजी सवारी साधनलाई हजारौँ रुपैयाँ तिर्नुपर्ने बाध्यता थियो ।

प्रतिष्ठानबाट जिरी र भीमेश्वर नगरपालिकालाई शववाहन हस्तान्तरण भएसँगै अब जिल्लावासीलाई सहज भएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्