धरानमा फैलिएको डेङ्गु सुनसरीका अन्य पालिकामा पनि फैलँदै

जेठ २५, २०७६ शनिबार २०:२१:१ | सुमन तिमल्सिना

मोरङ - धरानमा प्रकोपको रुपमा देखिएको डेङ्गु सुनसरीका अन्य गाउँपालिका तथा नगरपालिकामा समेत देखिन थालेको छ ।

जिल्ला स्वास्थ्य कार्यालय सुनसरीका प्रमुख सागर प्रसाईका अनुसार धरानमा प्रकोपको रुपमा देखिएको डेङ्गु इटहरीमा पनि फाट्टफुट्ट देखिन थालेको छ । इटहरीमा २ जना डेङ्गुका बिरामी फेला परेपछि इटहरी उपमहानगरपालिकाले लामखुट्टे हटाउने र लार्भा नष्ट गर्ने अभियान सुरु गरेको पनि प्रसाईले बताउनु भयो ।

त्यस्तै सुनसरीकै बराह नगरपालिकामा १ जना, रामधुनी नगरपालिकामा २ जना र मोरङको केरावारी र सुन्दर हरैँचामा १-१ जना डेङ्गुका बिरामी फेला परेको प्रमुख प्रसाईले जानकारी दिनुभयो ।

त्यस्तै धरानको बिजयपुर अस्पतालमा ३२ जना र इटहरीमा २ जनाले उपचार गराइरहेको जिल्ला स्वास्थ्य कार्यालयले जनाएकाे छ । बढी प्रभावित सुनसरीको धरान उपनगरपालिकाले पानी फाल्ने र लार्भा नष्ट गर्ने अभियान नै चलाएको भए पनि सर्वसाधारणले पानी फाल्न नदिने गरेको लार्भा नष्ट अभियानमा खटिएका अभियानकर्मीले बताएका छन् ।

धरान उपमहानगरपालिकाकी मेयर मञ्जु मण्डारीले पानी व्यवस्थापनको काम भइरहेकोले पानीको त्यससँगै पानी फाल्ने र लार्भा मार्ने काम भइरहेको जानकारी दिनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्