जमिनमा लत्रेको तारमा करेन्ट लागेर एक महिलाको ज्यान गयो, प्राधिकरण भन्छ : स्थानीयवासी नै जिम्मेवार

जेठ २७, २०७६ सोमबार १८:२८:३० | पुरुषोत्तम गिरी

सल्यान – करेन्ट लागेर सल्यानकाे बागचौर नगरपालिका २ शेराचौरमा लागेर एक महिलाको ज्यान गएको छ । करेन्ट प्रवाह भैरहेको विद्युतको तारमा लट्पटिएर खेतमा घाँस काट्न गएकी ३६ वर्षीया भूमी ओलीको ज्यान गएको हो ।

विद्युतको तार लत्रिएर जमिनमा छोएको र हिँडिरहेको बेला करेन्ट लागेर ओलीको घटनास्थलमा नै ज्यान गएको इलाका प्रहरी कार्यालय थारमारेका प्रहरी प्रमुख लिलाभक्त बादेले बताउनुभयो ।

‘विद्युत प्राधिकरणले क्षतिपूर्ति दिने सहमतिमा शव उठाइएको छ र पोष्टमर्टमको लागि शव जिल्ला अस्पताल सल्यान पठाइएको छ’, प्रहरी प्रमुख बादेले भन्नुभयो ।

स्थानीयले भने विद्युतको तार भुइँमा लत्रिँदा पनि प्राधिकरणले ध्यान नदिएको आरोप लगाएका छन् ।

स्थानीयको लापर्वाहीले गर्दा महिलाले ज्यान गुमाउनुपरेको हो : विद्युत प्राधिकरण

नेपाल विद्युत प्राधिकरण सल्यानका प्रमुख अर्जुन घिमिरेले भने बिजुलीको तार भुइँमा झरेको स्वीकार गर्दै घटना हुनुमा स्थानीय नै दोषी रहेको बताउनु भएको छ ।

‘हामीले थोरै दूरीको लागि पठाएको पोल धेरै दूरी बनाएर स्थानीय उपभोक्ता समितिले तार तानेकाले तार भुइँमा झरेको हो । कम पोल दिएका ठाउँमा पनि गाउँभरि बत्ती लैजान खोज्छन् अनि समस्या हुन्छ’, उहाँले भन्नुभयो । स्थानीयले राजनीतिक पहुँचमा टाढा–टाढा पोल राखेर विद्युत सुचारु गरेकाले घटना हुन पुगेको उहाँले दाबी गर्नुभयो ।

त्यस ठाउँमा तारमाथि उठाउनका लागि एउटा पोल थप गरेर कार्यालयबाट पठाएको भए पनि पोल नै गायब भएको उहाँले खुलासा गर्नुभयो । नियम कानुन लत्याएर राजनीति पहुँचमा उपभोक्ता समिति र ठेकेदारले आफू खुशी काम गरेको उहाँले आरोप लगाउनुभयो ।

विद्युतका पोल कम भएका, तार लत्रेकोे र शंकास्पद ठाउँ भएमा तत्काल आफूहरुलाई खबर गर्न समेत उहाँले जानकारी दिनुभयो ।

प्राधिकरणको नेपालगञ्ज शाखाले मृतकको विवरण बुझेर क्षतिपूर्ति दिने उहाँले बताउनुभयो । विद्युत दुर्घटनामा ज्यान गुमाउनेलाइ ५ लाखसम्म क्षतिपूर्ति दिने सरकारी व्यवस्था रहेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्