आज पनि हिजो जस्तै गर्मी, दिउँसोपख पानी पर्ने सम्भावना

 असार १, २०७६ आइतबार ९:२३:५३ | उज्यालो सहकर्मी
unn.prixa.net

काठमाण्डौ – आज पनि हिजो जस्तै गर्मी छ । आइतबार बिहान ८ : ४५ बजे काठमाण्डौको तापक्रम २७ दशमलव ८ डिग्री सेल्सियस थियो । दिउँसो तापक्रम बढेर ३३ डिग्री सेल्सियससम्म पुग्न सक्ने माैसम पूर्वानुमान महाशाखाको अनुमान छ ।

तराईका जिल्लाहरुमा तापक्रम ४३ डिग्री सेल्सियससम्म पुगेको छ । गर्मी बढेपछि बारा जिल्लाभरिका र वीरगञ्ज नगरभरिका विद्यालय एकहप्ताका लागि बन्द गरिएको छ ।

आइतबार केही ठाउँमा दिउँसोपख पानी पर्ने सम्भावना रहेको महाशाखाले जनाएको छ । महाशाखाका अनुसार दिउँसोपख पूर्वी तथा पश्चिमी भेगमा सामान्य बदली हुने र मध्य क्षेत्र लगायतका केही ठाउँमा हावाहुरी सहित पानी पर्ने सम्भावना छ । यस्तै राती पनि मेघ गर्जन र हावाहुरी सहित वर्षाको सम्भावना छ ।

यो हप्ता मनसुन भित्रने मौसमविद् शान्ति कँडेलले जानकारी दिनुभयो । सामान्यतया जुन १० तारिखबाटै मनसुन भित्रने भए पनि यो वर्ष अलि ढिला मनसुन भित्रने भएको हो । यो वर्ष भारतमा पनि मनसुन ढिला भित्रिएकाले नेपालमा पनि ढिला भित्रने भएको मौसमविद् कँडेलले बताउनुभयो । 

अन्तिम अपडेट: चैत १३, २०८०

तपाईको प्रतिक्रिया