गर्मीले कपिलवस्तुको जनजीवन प्रभावित : ५ दिनका लागि विद्यालय बिदा

असार २, २०७६ सोमबार १६:२३:२८ | गोपाल भण्डारी

कपिलवस्तु – दिनप्रतिदिन गर्मी बढ्न थालेपछि कपिलवस्तु जिल्लाका निजी तथा सामुदायिक विद्यालयहरु ५ दिनका लागि बन्द गरिएको छ ।

कपिलवस्तु नगर कार्यपालिकाको वैठकको निर्णयअनुसार कपिलवस्तु नगरपालिका क्षेत्रका सबै निजी तथा सामुदायिक विद्यालयहरुलाई सोमबारदेखि शुक्रबारसम्मका लागि बन्द गर्न नगर क्षेत्रका सबै विद्यालयहरुलाई निर्देशन गरिएको प्रमुख प्रशासकीय अधिकृत विमल राज आचार्यले बताउनुभयो ।

यसैगरी यशोधरा गाउँपालिका, शुद्दोधन गाउँपालिका, वाणगंगा नगरपालिकालगायतका स्थानीय तहरुले पनि गर्मीका कारण विद्यालय बिदा गरेका छन् ।

अधिक गर्मीका कारण सर्वसाधारणहरु अत्यन्तै जरुरी काम बाहेक घर बाहिर निस्केका छैनन् । दैनिकजसो ४२ डिग्रीभन्दा माथि तापक्रम बढ्न थालेपछि जिल्लामा जनजीवन प्रभावित हुन थालेको छ । गर्मीका कारण सेवाग्राहीहरुको सरकारी कार्यालय, सार्वजनिक स्थल, बजारलगायतमा स्थानहरुमा न्यून उपस्थिति रहेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्