१४ लाखभन्दा बढीको लगानीमा बाल उद्यान निर्माण

असार १७, २०७६ मंगलबार १६:३:४३ | सुजता सुनुवार

इलाम – त्यसै खेर गइरहेको सरकारी जग्गालाई सदुपयोग गर्दै इलाममा १४ लाखभन्दा बढीको लगानीमा बाल उद्यान (चिल्ड्रेन पार्क) निर्माण गरिएको छ । इलामको इलाम नगरपालिका वडानम्बर १० गोदकमा १४ लाख ३४ हजार ५४ रुपैँया बराबरको लगानीमा बाल उद्यान निर्माण गरिएको हो ।

माईखोला किनारमा रहेको वृद्धाश्रम नजिकै नेपाल सरकारको स्वामित्वमा रहेको ११ रोपनी जमिनमा उद्यान निर्माण गरिएको महिला जागरण संघ तथा वृद्धाश्रम सञ्चालक समिति अध्यक्ष बिष्णु दाहालले बताउनु भयो । उहाँले भन्नु भयो, ‘जग्गाको व्यवस्थापन हुने तथा आश्रम सञ्चालन गर्न आर्थिक श्रोतमा समेत सहयोगी हुन्छ भन्ने उद्देश्यले उद्यानको निर्माण गरिएको हो ।’

उद्यान निर्माणकै लागि ५४ जनाबाट शेयर संकलन गरिएको छ । जसबाट ६२ हजार पाँच सय रुपैयाँ सङ्कलन भएको थियो । त्यस्तै उद्यान निर्माण गर्न महिला तथा बालबालिका मन्त्रालयबाट २ लाख ८० हजार ७ सय, इलामनगरपालिकाबाट ४ लाख ९० हजार ८ सय ५४, र बृद्धाश्रमको अक्षय कोषबाट ६ लाख रुपैंयाँ गरी १४ लाख ३४ हजार ५४ रुपैँया बराबरको काम भइसकेको सञ्चालक समितिले जनाएको छ ।

उद्यान निर्माण सम्पन्न गर्नको लागि १६ लाख ५० हजार रुपैँया लाग्ने भएकाले यसको स्रोत खोजी कार्यलाई जारी राखेको जागरण संघका कमला घिमिरेले जानकारी दिनुभयो ।

उद्यानमा बालबालिका खेल्ने तीन प्रकारका खेल सामाग्रीहरु राखिएको छ । चिप्लेटी, पोखरी र पिङमा अहिले बालबालिकाहरु रमाउन पाउनेछन् । यस्तै पदमार्ग विश्रामस्थल र शौचालय सहितको सुविधासम्पन्न पार्क भित्र विभिन्न प्रजातिका फूलहरु समेत रोपिएका छन् ।

समितिका अध्यक्ष दाहालका अनुसार, आगामी दिनमा अपुग बजेटलाई व्यवस्थापन गरेर बालबालिका खेल्नका लागि छ प्रकारका सामाग्रीहरु राखिने छन् । उद्यानमा आउने बालबालिकालाई मात्र मनोरञ्जन प्रदान गर्ने नभई अभिभावकले समेत नँया वातावरणमा रम्न सक्ने सुविधाको व्यवस्था गरेर उद्यान निर्माण सम्पन्न गरिने बताइएको छ । सात महिना भित्रमा सम्पूर्ण काम भई सक्ने बताइएको छ ।

अभिभावकले उद्यानमा बालबालिकालाई विभिन्न खेलहरु सःशुल्क खेलाउन पाउनेछन् । खेलाए बापत निश्चित रकम तिर्नु पर्ने प्रावधान रहेको छ । जसबाट सङ्कलित रकम बृद्धाश्रम सञ्चालनमा खर्च गरीने समितिको भनाई छ । उद्यानबाट वार्षिक चार लाख रुपैंयाँ सङ्कलन गर्ने सञ्चालक समितिको लक्ष्य रहेको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्