वैदेशिक रोजगारीलाई सुरक्षित बनाउन स्थानीय तहको भूमिका महत्वपूर्ण

असार १८, २०७६ बुधबार १७:४९:५५

राम प्रमेश मण्डल/सप्तरी ।

सप्तरी – सुरक्षित वैदेशिक रोजगारीका लागि सप्तरीमा समुदाय स्तरीय अभिमुखीकरण गरिएको छ ।

डाक्नेश्वरी नगरपालिकाको सहयोगमा सप्तरी सामुदायिक विकास केन्द्र राजविराजले वैदेशिक रोजगारीमा जान लागेका, फर्किएका र घर बिदामा आएका कामदारसहितलाई अभिमुखीकरण गरेको हो ।

कार्यक्रममा सहभागीहरुले वैदेशिक रोजगारीलाई सुरक्षित बनाउन स्थानीय तहको भूमिका महत्वपूर्ण हुने बताए ।

कार्यक्रममा नगर प्रमुख शिव नारायण साहले विदेश जाने युवाले दलाललाई धेरै विश्वास गर्ने, रकम लेनदेन गर्दा प्रमाण नलिने, सीपबिनै विदेश गएका कारण पनि विभिन्न समस्या निम्तिएको भन्दै वैदेशिक रोजगारीलाई सुरक्षित तथा लाभदायी बनाउन सबै सरोकारवाला तथा जनप्रतिनिधिको दायित्व भएको बताउनुभयो ।

अभिमुखीकरणमा सहभागी अरु जनप्रतिनिधिले आफ्नै परिवारका सदस्यहरु पनि ठगीमा परेको र दलालबाट समुदायमा धेरै खालका समस्या तथा चुनौती आइरहेको गुनासो गरेका थिए ।

सरकारले एजेण्टको व्यवस्था खारेज गरे पनि समुदायमा दलालको बिगबिगी रहेकाले यस सम्बन्धमा स्थानीय सरकारले निगरानी गर्नुपर्नेमा सहभागीले जोड दिएका छन् ।

कार्यक्रममा नगरपालिकाका २ सय जनालाई कार्यक्रमको माध्यमबाट सचेत गराउने र सुरक्षित वैदेशिक रोजगार प्रवद्र्धनमा सहजीकरण गर्ने लगायतका विषयमा जानकारी गराइएको छ ।

अभिमुखीकरण कार्यक्रममा सहभागी २८ परिवारबाट ३४ जना वैदेशिक रोजगारीमा गएको पाइएको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्