महोत्तरीमा लाखौँको लुटपाट, एक जना पक्राउ

असार १९, २०७६ बिहीबार ९:१९:३९ | उज्यालो सहकर्मी

महोत्तरी – बर्दिवास नगरपलिका–६ र ७ प्रेमनगरमा एक समूहले क्रमबद्ध दुई वटा घरमा डकैती गरेको छ । बुधबार राति १०/११ जनाको समूहमा आएको लुटेराको समूहले दुई वटा घरमा सुनचाँदी र नगदसहित १५ लाख बराबरको धनमाल लुटेर फरार भएको हो ।

बर्दिबास नगरपालिका– ७ का रामसुनार महतो र वडा नम्बर ६ का चन्देश्वर महतोको घरमा लुटपाट गरेको इलाका प्रहरी कार्यालय बर्दिबासले जनाएको छ ।

लुटेरामध्ये एक जना हतियारसहित पक्राउ परेका छन् । पक्राउ पर्नेमा सर्लाही जिल्ला चन्द्रपर नगरपालिका घर भएका ४० वर्षीय देवनरायण कापड रहेको प्रहरीले जनाएको छ ।

लुटेराहरु भाग्ने क्रममा स्थानीय बासिन्दाले समात्ने प्रयास गरेका थिए । कापडलाई स्थानीयले नै नियन्त्रणमा लिएर प्रहरीलाई बुझाएका हुन् । लुटेराहरुलाई समात्ने प्रयास गर्दा चन्दनेश्वर महतोकी श्रीमती जेयवती देवी र छोरा उमेश महतो घाइते भएका छन् ।

यस्तै पक्राउ परेका लुटेरालाई स्थानीयले कुटपिट गरेका कारण स्वास्थ्य अवस्था गम्भीर भएकाले बर्दिबासको शुभस्वस्तिक अस्पतालमा उपचार भइरहेको इलाका प्रहरी कार्यालय बर्दिबासले जनाएको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्