नेपालमा लगानी तथा पर्यटन प्रवर्द्धनबारे ओमानमा छलफल

असार २३, २०७६ सोमबार १७:०:४३ | उमाकान्त पाण्डे

यूएई – नेपालमा विदेशी लगानीका सम्भावनाबारे ओमानमा छलफल भएको छ । ओमानको उद्योग तथा वाणिज्य मन्त्रालयका उपसचिव अहमद विन हसन अल ढेवको उपस्थितीमा भएको कार्यक्रममा ओमानका लागि नेपाली राजदूत शर्मिला पराजुली ढकालले नेपालमा लगानीको सम्भावनाका क्षेत्रबारे जानकारी गराउनुभएको छ ।

मस्कटमा रहेको नेपाली दूतावासले सोमबार आयोजना गरेको कार्यक्रममा लगानी सम्मेलनका अवसरमा प्रधानमन्त्री केपी शर्मा ओलीले विश्व समुदाय समक्ष दिएको भिडियो सन्देश समेत देखाइएको छ ।

कार्यक्रममा राजदुत ढकालले समृद्ध नेपाल सुखी नेपालीको नारा सार्थक बनाउन विदेशी लगानी महत्वपूर्ण रहेको बताउनुभयो । उहाँले नेपालको कृषि, ऊर्जा, पूर्वाधार, शिक्षा, उद्योग, शहरी विकास, यातायातजस्ता क्षेत्रमा विदेशी लगानीको सम्भावना रहेको पनि बताउनुभयो ।

देशमा लगानीको वातावरण बनाउन सरकारले लगानीमैत्री कानुन बनाइरहेको पनि राजदूत ढकालले जानकारी दिनुभयो । छलफलमा ओमानको परराष्ट्र मन्त्रालयका पश्चिम एसिया विभाग प्रमुख, अर्थ विभाग प्रमुख, ओमान चेम्बर अफ कमर्श एण्ड इन्डस्ट्रीका अध्यक्ष लगायत उच्च अधिकारीको सहभागिता थियो ।

यसैबीच नेपालमा पर्यटन प्रवद्र्धन गर्ने सम्बन्धमा ओमानमा कार्यरत नेपाली समुदायसँग पनि दूतावासले छलफल गरेको छ । ओमानका लागि नेपाली राजदूत शर्मिला पराजुली ढकालको निवासमा भएको कार्यक्रममा सगरमाथाको सफल आरोहण गर्ने प्रथम ओमानी महिला नादिरा अल हार्थीको प्रमुख अतिथिको रुपमा उपस्थित हुनुहुन्थ्यो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्