भैँसेपाटी प्रहरी प्रभागको हिरासतको ग्रिल काटेर फरार भएका २ जना पक्राउ

असार २५, २०७६ बुधबार २०:५६:२० | उज्यालो सहकर्मी

काठमाण्डौ - ललितपुरको भैँसेपाटी प्रहरी प्रभागको हिरासतको झ्यालको ग्रिल काटेर फरार भएकामध्ये २ जना अभियुक्तलाई प्रहरीले पक्राउ गरेको छ ।

सोमबार राति चौकीको ग्रिल काटेर भागेका दुवै जनाको खोजी गर्ने क्रममा बौद्धबाट बुधबार प्रहरीले पुनः पक्राउ गरेको हो ।

रामेछाप जिल्लाकाे रामेछाप नगरपालिका-५ का २५ वर्षीय विकास भनिने रुद्रलाल श्रेष्ठ र त्यही ठाउँका शम्शेर माझी सोमबार राति प्रहरी चौकीको शौचालयको ग्रिल काटेर फरार भएका थिए ।

उनीहरुलाई चोरी, डाँका तथा लागुऔषध मुद्धामा पक्राउ गरेर महानगरीय प्रहरी प्रभाग बुङमति, भैँसेपाटीको हिरासतमा राखिएको थियो । पक्राउ परेका दुवै जनालाई महानगरीय प्रहरी अपराध महाशाखामा राखेर थप अनुसन्धान भइरहेको महाशाखाका प्रहरी उपरीक्षक सुशीलसिंंह राठौरले बताउनुभयो ।

फरार भएका मध्ये लागुऔषध मुद्धाका अभियुक्त रबिकुमार तिमल्सिनाको अझै खोजी जारी रहेको पनि उहाँले बताउनुभयो । उनीहरुलाई भगाउन सहयोग गरेको भन्दै भैँसेपाटी प्रभागमा रहेका ड्युटी अधिकृतसहित चार जना निलम्बनमा परेका छन् ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्