भीमफेदीमा पहिरोको जोखिम, ९२ जनालाई सुरक्षित ठाउँमा सारियो

असार २८, २०७६ शनिबार ७:११:४३ | हरि हुमागाईं

मकवानपुर – मकवानपुरको भीमफेदी गाउँपालिका वडा नम्बर ५ को माथिल्लो दमारमा पहिरोको उच्च जोखिममा रहेका नागरिकलाई उद्धार गरिएको छ । माथिल्लो दमारमा घरमाथि र घरमुिनबाट पहिरो गएपछि फसिरहेका १८ परिवारलाई उद्धार गरिएकाे हाे ।

पहिरोको जोखिममा रहेका १८ घरधुरिका ९२ जनालाई नेपाली सेना, सशस्त्र प्रहरी र नेपाल प्रहरीको टोलीले लगातार ८ घण्टाको प्रयासपछि सुरक्षित स्थानमा सारेको छ । सेना र प्रहरीले सुरक्षित स्थानमा सार्नका लागि आग्रह गर्दा केही वृद्धवृद्धा सर्न नमाने पनि उनीहरुलाई सुरक्षित स्थानमा सारिएको सशस्त्र प्रहरी कार्यालय मकवानपुरका प्रहरी नायब उपरीक्षक अमर खत्रीले बताउनुभयो ।

पहिरोको जोखिममा रहेकालाई सुरक्षित स्थानमा सारेर राखिएको जिल्ला प्रहरी कार्यालय मकवानपुरका प्रहरी उपरीक्षक मुकेशकुमार सिंहले बताउनुभयो ।

पहिरोले विस्थापित केही भीमफेदी बजार क्षेत्रमा रहेका आफन्तको घरमा बसेका छन् भने अरु परिवारलाई भने नेपाल रेडक्रस सोसाइटी उपशाखा भीमफेदीको कार्यालयमा व्यवस्थापन गरिएको प्रहरीले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्