प्रदेशलाई महिलामैत्री बनाउन आफूले कुनै कसर बाँकी राख्दिन: मुख्यमन्त्री राउत

साउन ३, २०७६ शुक्रबार १७:२३:२७ | धनवीर महतो

महोत्तरी - प्रदेश नम्बर २ का मुख्यमन्त्री लालबाबु राउतले प्रदेशलाई महिलामैत्री बनाउन आफूले कुनै कसर बाँकी नराख्ने बताउनुभएकाे छ ।

शुक्रबार गौशालामा आयोजित पार्टी कार्यकर्ताकाे भेलालाई सम्बोधन गर्दै मुख्यमन्त्री राउतले अन्य प्रदेशको तुलनामा यहाँका महिलालाई बढी अधिकार दिएर प्रदेशलाई महिलामैत्री बनाउने धारणा राख्नुभएकाे हाे । मुख्यमन्त्रीले प्रदेशलाई महिलामैत्री बनाउनका लागि यहाँका हरेक क्षेत्रमा महिलालाई ५० प्रतिशत आरक्षणको व्यवस्था गरिएको बताउनुभयाे । त्यस्तै माघ १ गतेदेखि बेटी पढाउ, बेटी बचाउ कार्यक्रम ल्याएर प्रदेश नम्बर २ नमुना प्रदेश सावित भएको मुख्यमन्त्री राउतले दाव्री गरेका छन ।

समाज रुपान्तरण नभई अग्रगतीको पथमा लम्कन नसक्ने बताउदै मुख्यमन्त्री राउतले हरेक शिक्षित भए मात्र समाज रुपान्तरण हुने धारणा राखेका छन ।

एउटा अर्को प्रसंगमा मुख्यमन्त्री राउतले विपतमा परेको समयमा बाढी पीडितलाई राहत दिलाउनको लागि आफू लागि परेको बताउनुभएकाे छ । तत्काल प्रत्येक जिल्लामा राहत वितरणको लागि १०÷१० लाख रुपैयाँ छुटयाएको छ भने मृतक परिवारका लागि ३÷३ लाख रुपैयाँ उपलब्ध गराईने जनाउदै संघीय समाजवादी फोरम नेपालका साँसदहरुले पिडितलाई राहत दिनका लागि आधा महिनाको तलब दिईने घोषणा गरिएको मुख्यमन्त्री राउतले बताएका छन ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्