चिनियाँ पूर्व प्रधानमन्त्री ली पेङको निधन

साउन ७, २०७६ मंगलबार १७:५१:५१ | एजेन्सी

चीनका पूर्व प्रधानमन्त्री ली पेङको सोमबार निधन भएको छ । उनी ९० वर्षका थिए ।

चिनियाँ सञ्चार माध्यमका अनुसार पूर्व प्रधानमन्त्री पेङको सोमबार बेइजिङमा निधन भएको हो । उनी लामो समयदेखि बिरामी रहेका थिए ।

पूर्व प्रधानमन्त्री पेङलाई सन् १९८९ मा भएको तियानमेन स्क्वायरको नरसंहारका मुख्य दोषीका रुपमा समेत हेर्ने गरिन्छ । अधिकारकर्मीहरुले तियानमेन घटनामा उनको सलंग्नतालाई लिएर ‘बेइजिङको कसाई’ समेत भन्ने गरेका थिए ।

पेङले सन् १९८० र ९० को दशका चिनियाँ सरकारको उच्च पदमा रहेका काम गरेका थिए । प्रजातन्त्रवादी पक्षधरहरुले सन् १९८९ मा बेइजिङको तियानमेन स्क्वायरमा गरेको आन्दोलनमा भएको दमनमा पेङको प्रमुख भूमिका थियो । प्रदर्शनमा चिनियाँ सेनाले बख्तरबन्द गाडीले चलाएर सयौँ नागरिकको ज्यान लिएको थियो ।

ली पेङले मार्सल ल लगाएर आन्दोलन दबाउन खोजेका थिए । उनले पछि आफ्नो कार्यको बचाउ गर्दै ‘आवश्यक कदम’ को संज्ञा दिएका थिए ।

सन् १९८९ मा तियानमेन स्क्वायरमा चिनियाँ कम्युनिष्ट पार्टीका पूर्व महासचिव हु याओबाङको निधनमा शोक सभा भएको थियो । झण्डै एक लाख मानिस तियानमेन स्क्वायरमा उपस्थित भएका थिए ।

हुको अन्तिम संस्कार हुनुअघि विद्यार्थीहरुले राजनीतिक उदारवाद र सुधारको माग गर्दै तियानमेनमा प्रदर्शन गरेका थिए । प्रदर्शन दबाउन तत्कालीन चिनियाँ सरकारले चालेको कदमको अहिलेसम्म पनि विरोध हुँदै आएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्