गाउँमा खाेला पसेपछि माेरङका ५० घर डुबानमा

साउन १०, २०७६ शुक्रबार २०:१२:१९ | सुमन तिमल्सिना

मोरङ – निरन्तरको वर्षाका कारण रंगेली नगरपालिका वडा नम्बर-८ को चाइनागेट नजिकै रहेको मुसहर बस्तीका ५० घर डुबानमा परेको छ ।

रंगेली नगरपालिकाको चाइनागेट नजिकै रहेको मुसहर बस्तीमा चिसाङ खोला पसेपछि ५० घर डुबानमा परेको हो । बिहीबार राति सुतिरहेको समयमा मुसहर बस्तीमा खोला पसेपछि गाउँलेहरु होहल्ला गर्दै गाउँ छोडेर बाहिर निस्किएका थिए ।

घरभित्र पानी परेपछि उनीहरुले चुलो पनि बाल्न सकेका छैनन् । पीडितहरुले गाउँमा पानी पसेको १८ घण्टा बितिसक्दा पनि कसैले चासो नदिएको आरोप लगाएका छन् । स्थानीय वडा सदस्य मिरा दाहालले पीडित परिवारको पहिचान गरेर राहत वितरण गरिने जानकारी दिनुभयो ।

त्यस्तै विराटनगर महानगरपालिका वडा नम्बर-६ रामपुरको केशल्या खोला बाँध फुटाएर गाउँ पसेको छ । खोला गाउँमा पस्दा वडा नम्बर ६, १२ र १६ डुबानमा परेको छ । यी वडाका सिम्राही, दरैया र बखसी पश्चिमको क्षेत्र डुबानमा परेको सिम्राहीका मनोज ऋषिदेवले बताउनु भयो ।

खोला गाउँमा पसेपछि झण्डै ४५ ओटा घर डुबानमा परेका छन् । डुबान क्षेत्रका स्थानीयवासीलाई बखरी आधारभूत विद्यालयमा सारिएको छ भने केहीलाई नजिकै रहेका मन्दिहरुमा राखिएको छ । त्यस्तै सशस्त्र प्रहरीकाे बेस क्याम्प पनि डुबानमा परेकाे छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्