विकासकाे राम्रो पाठ सिक्न इलामको सूर्योदय पुग्नुपर्छ : नेता खनाल

साउन १५, २०७६ बुधबार २०:३०:५८ | सुजता सुनुवार

इलाम – पूर्व प्रधानमन्त्री तथा नेकपाका वरिष्ठ नेता झलनाथ खनालले राम्रो पाठ सिक्न नेपालकै उत्कृष्ट नगर इलामको सूर्योदय नगरपालिका पुग्नु पर्ने बताउनु भएको छ ।

सूर्योदय नगरपालिकाको आर्थिक वर्ष २०७६/०७७ को वार्षिक नीति तथा कार्यक्रम सार्वजनिक गर्दै उहाँले सूर्योदय नगरपालिकाले उदाहरणीय काम गरेको बताउनुभयो ।

विकास र प्रगतिमा अग्रस्थान लिने पालिकामध्ये सुर्योदय नगरपालिका एक हो । ‘देश अहिले विकासको चरणमा छ । काम गर्दा समयको महत्व नबुझे देश फेरि पछि पर्छ । विकास र प्रगतिका उदाहरणका लागि यस नगरपालिकालाई हेरेर सबैले पाठ सिक्नु पर्छ’, उहाँले भन्नुभयो ।

संविधान बनेपछि नेपालमा अधिनायकवाद समाप्त भएको भन्दै नेता खनालले नागरिक अधिकारसम्पन्न भएको बताउनुभभयो । जुन तहमा विकास हुँदैन त्यस तहका स्थानीय नागरिकले गलत कार्य हुन नदिन आफ्नो अधिकारको सदुपयोग गर्न जरुरी रहेको उल्लेखसमेत गर्नुभयो ।

प्रदेश १ को पर्यटकीय नगरी घोषित सूर्योदय नगरपालिकाले आगामी आर्थिक वर्षका लागि ९६ करोड रुपैयाँ बराबरको बजेट ल्याउने गरी नीति तथा कार्यक्रम सार्वजनिक गरेको छ ।

कार्यक्रमको अवसरमा नगरपालिकाले नगरमा जन्मिएर विभिन्न क्षेत्रमा योगदान पुर्‍याउने वरिष्ठ पत्रकार दुर्गानाथ शर्मासहित एक दर्जन बढी व्यक्तिहरुलाई सम्मान समेत गरेको नगरपालिकाले जनाएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्