उत्तर कोरियाले साइबर आक्रमणमार्फत २ खर्बभन्दा बढी रकम चाेरी गर्‍याे: संयुक्त राष्ट्रसंघ

साउन २२, २०७६ बुधबार १२:१७:८ | उज्यालो सहकर्मी

संयुक्त राष्ट्रसंघको ‘लिक’ भएकाे एउटा प्रतिवेदनका अनुसार उत्तर कोरियाले आफ्नो हातहतियार लागि आर्थिक जाेहाे गर्न साइबर आक्रमणका माध्यमबाट २ बिलियन अमेरिकी डलर अर्थात् २ खर्ब २६ अर्बभन्दा बढी रुपैयाँ चोरेको छ ।

त्यसरी बाहिरिएकाे गाेप्य प्रतिवेदनमा प्योङयोङ ( उत्तर कोरियाको राजधानी) ले रकम जम्मा गर्नको लागि बैँक र क्रिप्टो मुद्रा विनिमयलाई निशाना बनाइएको उल्लेख छ । अन्तर्राष्ट्रिय समाचार संस्था बीबीसीका अनुसार संयुक्त राष्ट्रसंघले ३५ ओटा साइबर आक्रमणका बारेमा अनुसन्धान गरिरहेको छ ।

गएको मंगलबार उत्तर कोरियाले दुई ओटा मिसाइल प्रक्षेपण गरेको थियो, जुन दुई हप्ताभित्रको समयमा चौथो मिसाइल प्रक्षेपण हो ।

बुधबार जारी गरिएको बयानमा उत्तर कोरियाली नेता किम जोङ उनले मिसाइल प्रक्षेपण अमेरिका र दक्षिण कोरियाबीच भएको सामूहिक सैन्य अभ्यासको विरोधमा भएको बताएका छन् । प्योङयोङले अमेरिका र दक्षिण कोरियाबीच भएको सामूहिक सैन्य अभ्यासलाई शान्ति सम्झौताको उल्लंघनको रुपमा लिएको छ ।

संयुक्त राष्ट्रसंघ सुरक्षा परिषद्को उत्तर कोरिया प्रतिबन्ध समितिलाई पठाइएको प्रतिवेदनमा भनिएको छ– ‘साइबर स्पेसकाे प्रयाेग गरेर वित्तीय संस्था तथा क्रिप्टाे करेन्सी सटही गर्ने संस्थाबाट रकम चाेर्न उच्च स्तरकाे साइबर आक्रमण गरियाे ।’

विशेषज्ञहरुले विदेशी मुद्रा कमाउन प्रयोग गरिने साइबर ‘माइनिङ’ गतिविधिमाथि पनि अनुसन्धान गरिरहेका छन् ।

उत्तर कोरियाले आम विनाशकारी हातहतियारहरु प्राप्त गर्न तथा जहाजबाट जहाजमा अवैध स्थानान्तरण गर्नका लागि संयुक्त राष्ट्रसंघको प्रतिबन्धहरु तोडेको जारी प्रतिवेदनमा भनिएको छ ।

अन्तिम अपडेट: फागुन १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्