भारतीय पूर्व विदेशमन्त्री सुषमा स्वराजको राजकीय सम्मानका साथ अन्त्येष्टि

साउन २२, २०७६ बुधबार १७:११:१६ | उज्यालो सहकर्मी

भारतीय जनता पार्टीकी वरिष्ठ नेतृ तथा पूर्व विदेश मन्त्री सुषमा स्वराजको राजकीय सम्मानका साथ अन्त्येष्टि गरिएको छ ।

न्यू दिल्लीको लोधी रोडमा रहेको विद्युतीय शवदाह गृहमा स्वराजको अन्तिम संस्कार गरिएको हो । अन्तिम संस्कारको सम्पूर्ण काम छोरी बाँसुरी स्वराजले गर्नु भएको थियो । उहाँलाई स्वराजका श्रीमान् कौशल स्वराजले साथ दिनु भएको थियो ।

सुषमा स्वराजको निधनमा भारत र विश्वभरिबाट नै ठूला नेताहरुले दुःख व्यक्त गरेका छन् । भारतीय राष्ट्रपति रामनाथ कोविन्द, प्रधानमन्त्री नरेन्द्र मोदी, गृहमन्त्री अमित शाहसमेत ठूला नेताहरु स्वराजको घरमै पुगेर श्रद्धाञ्जली दिनु भएको थियो ।

सुषमा स्वराजको अन्तिम संस्कार यात्रामा पनि निकै ठूलो भीड लागेको थियो । राजनाथ सिंह, जेपी नड्डा, रवि शंकर प्रसाद, पीयूष गोयल लगायतले स्वराजको पार्थिव शरीरलाई काँध दिनु भएको थियो ।

प्रधानमन्त्री मोदी, लालकृष्ण अडवाणी, उपराष्ट्रपति एम वेंकैया नायडू, राजनाथ सिंह, भुटानका पूर्व प्रधानमन्त्री छिरिङ तोब्गेलगायतले विजेपी मुख्यालय पुगेर सुषमा स्वराजको अन्तिम श्रद्धाञ्जली दिनु भएको थियो ।

त्यस्तै भारतका लागि नेपाली राजदूत नीलाम्बर आचार्य पनि विजेपी मुख्यालय पुगेर सुषमा स्वराजप्रति अन्तिम संस्कार प्रदान गर्नु भएको थियो ।

सुषमा स्वराजकाे निधनलाई लिएर भारत र विश्व राजनीतिले अपूरणीय क्षति भएकाे बताएका छन् ।

याे पनि पढ्नुहाेस्

सुषमा स्वराजको नेपाल ‘कनेक्सन’ : नाकाबन्दीदेखि जनकपुरका नागरिकलाई ‘भारतीय’ को संज्ञासम्म

अन्तिम अपडेट: फागुन १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्