दोलखामा भैरव कुमारी जात्रा सुरु

साउन ३२, २०७६ शनिबार २०:४:१० | उषा तामाङ

दोलखा - दोलखामा मात्र मनाइने भैरव कुमारी पर्व शनिबारदेखि सुरु भएको छ ।

गाईजात्राको भोलिपल्टदेखि पाँच रात लगातार दोलखा बजारको मन्दिर र टोलहरूमा देखाइने भैरव कुमारी जात्रा भदौ ४ गते राति समापन हुनेछ ।
टँसिचा टोलमा रहेकाे कुमारी घरबाट भैरव, कुमारीकी आमा (नकिन), घोडचढी र जाल हान्नेसहित १३ जनाको समूह आकर्षक शैलीमा नाच्दै देखाइने जात्रा शनिबार साँझबाट सुरु भएको हो ।

पर्वका अवसरमा मनको इच्छा पूरा हुने विश्वासका साथ दोलखाका इच्छुक नारीहरू व्रत बस्ने गर्छन् । बिहानदेखि भोको बसेर साँझ जात्रा निकाले पूजापाठ गरेपछि उनीहरूले खाना खाने स्थानीयवासी हर्क बहादुर श्रेष्ठले जानकारी दिनुभयो ।

पाँच सय वर्ष पुरानो भैरव कुमारी जात्रामा देशका विभिन्न भागबाट मनको इच्छा पूरा हुने विश्वासले श्रद्धालुहरु आउने गर्छन् । दर्शन गर्न, पूजापाठ गर्न र चढाइएका अविर, अक्षता र फूलहरू संकलन गरी लान रातभर रमाइलो गर्दै सहभागीहरू नाच्नेहरूको अघिपछि हिँड्छन् । जात्रा अवधिको ५ रात दोलखा बजारवासी जागै बस्छन् भने होटल र पसल खुला हुन्छन् ।

द्वापर युगमा दोलखा बजारको टोलटोलमा कुमारीले दुःख दिन थालेपछि उनीहरूलाई शान्त पार्दै मानवमाथि कल्याण होस् भनेर यो जात्रा प्रारम्भ गरिएको जनविश्वास छ । तान्त्रिक विधि गरेर सुरु गरिने जात्रा निकाल्नुअघि व्रत बस्ने महिलाहरू दिनभर नखाइ टँसिचाटोलको गुठीघरमा भेला हुन्छन् भने व्रत बस्नका लागि बिहे भएर गएका चेलीबेटी माइती र्फकन्छन् ।

तस्बीर: स्थानीयवासी शिवजी प्रधानको फेसबुकबाट

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्