साउदी अरबका महिलाले पुरुष अभिभावकबिना विदेश यात्रा गर्न सक्ने

भदौ ४, २०७६ बुधबार १७:२६:१५ | उज्यालो सहकर्मी

साउदी अरबले २१ वर्षमाथिका महिलाहरुलाई पासपोर्ट लिन र कुनै पुरुषको संरक्षकको अनुमतिबिना विदेश यात्रा गर्ने अधिकारसम्बन्धी ऐतिहासिक सुधारलाई लागू गरेको छ ।

साउदी अरबका महिलाहरुको स्थितिलाई लिएर विश्वभरिबाट नै त्यसको आलोचना भएको थियो । मनवअधिकार आयोगले भनेको थियो, ‘साउदी अरबमा महिलाहरुलाई दोस्रो नागरिकका दर्जाका रुपमा लिइन्छ ।’ महिलाहरुलाई कुनै किसिमको महत्वपूर्ण निर्णय लिन पुरुष संरक्षकको निर्भर रहनु पर्दथ्यो ।

यी सुधारहरुको घोषणा यही महिनाको सुरुवातदेखि सुरु भएको थियो । गएको मंगलबारबाट यी सुधारहरु लागू गरिएको हो । यो कदमले प्रतिबन्धान्त्मक संरक्षकता प्रणाली कमजोर भएको छ, जुन लामो समयदेखि महिला दमनको प्रतीक थियो ।

विभागले सामाजिक सञ्जाल ट्विटरमा भनेको छ, ‘पासपोर्ट विभागले पासपोर्टको अवधि बढाउन, पासपोर्ट जारी गर्न र देश बाहिर यात्रा गर्न २१ वर्षमाथिका महिलाहरुलाई आवेदन दिन आह्वान गरेको छ ।’

यसअघि महिलाहरुलाई यी कामका लागि आफ्ना पुरुष संरक्षकहरु पति, पिता र अन्य पुरुषको सहमतिको आवश्यकता हुन्थ्यो । यसका अलावा साउदी अरबमा महिलाहरुलाई बच्चा जन्माउन, विवाह र सम्बन्ध विच्छेदको आधिकारिक रुपमा पञ्जीकृत गराउन पनि अधिकार दिइएको छ ।

यो सुधारलाई लिएर देश र अन्तर्राष्ट्रिय स्तरमा नै व्यापक प्रशंसा भएको छ । तर कट्टर रुढिवादीहरुले यसलाई ‘गैर इस्लामिक’ बताउँदै निन्दा गरेका छन् ।

अन्तिम अपडेट: फागुन १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्