विराटनगर क्षेत्रीय अन्तर्राष्ट्रिय विमानस्थल बनाउन २ महिनाभित्र डीपीआर स्वीकृत गरिने

भदौ ८, २०७६ आइतबार ११:३१:४८ | सुमन तिमल्सिना

मोरङ – विराटनगरका पर्यटन व्यवसायीले विराटनगर विमानस्थललाई क्षेत्रीय अन्तर्राष्ट्रिय विमानस्थल बनाउनु पर्ने भन्दै ध्यानाकर्षण पत्र बुझाएका छन् । शुक्रबार विराटनगरका उद्योगी, व्यापारी, पर्यटन व्यवसायीलगायतका सरोकारवालाहरुको बैठकले विराटनगर विमानस्थललाई क्षेत्रीय अन्तर्राष्ट्रिय विमानस्थल बनाउनका लागि पहल गर्न संघर्ष समिति बनाएको छ ।

संघर्ष समितिको तर्फबाट संयोजक पुण्यप्रसाद भट्टराई तथा सह–संयोजक फणिन्द्र अधिकारीले पर्यटन तथा नागरिक उड्ययन मन्त्री योगेश भट्टराईलाई क्षेत्रीय अन्तर्राष्ट्रिय विमानस्थल बनाउनको लागि भएको डीपीआर स्वीकृत गरी तत्काल काम थाल्न भन्दै ध्यानाकर्षण पत्र बुझाएका हुन् ।

नेपाल सरकार र प्रदेश सरकारको इज्जत र प्रतिष्ठासँग जोडिएको नेपालको पुरानो, अत्यन्त व्यस्तका साथै देशको पूर्वी क्षेत्रको मेरुदण्ड मानिएको र पर्यटन तथा अन्य व्यवसाय विकासको ठूलो सम्भावना बोकेको विमानस्थलको तत्काल काम थाल्ने वातावरण बनाउन ध्यानाकर्षण पत्रमा भनिएको छ ।

त्रिभुवन अन्तर्राष्ट्रिय विमानस्थलको बढ्दो एयर ट्राफिकिङलाई व्यवस्थित गर्नको लागि पनि यो विमानस्थललाई क्षेत्रीय अन्तर्राष्ट्रिय विमानस्थल बनाएर प्रदेश १ को राजधानीको विकास गर्न अति आवश्यक रहेको भन्दै मन्त्री भट्टराईको ध्यानाकर्षण गराइएको छ ।

संघर्ष समितिका संयोजक भट्टराईसहितको समितिले मन्त्री योगेश भट्टराईलाई तत्काल बनाइएको डीपीआर स्वीकृत गरी विराटनगर विमानस्थललाई क्षेत्रीय अन्तर्राष्ट्रियस्तरको बनाउने काम तत्काल थाल्न आग्रह गरेको हो । मोरङका प्रमुख जिल्ला अधिकारी रमेश केसीले विमानस्थललाई अन्तर्राष्ट्रिय नबनाइँदा प्रदेश १ को गतिविधिहरु सुस्ताउने गुनासो गर्नुभयो ।

प्रदेश १ सरकारका आन्तरिक मामिला तथा कानुन मन्त्री हिक्मतकुमार कार्कीले विमानस्थललाई क्षेत्रीय अन्तर्राष्ट्रिय स्तरको बनाउने बारेमा संघीय सरकारले स्वीकृति प्रदान गर्ने बित्तिकै काम सुरु हुने बताउनु भयो । उहाँले त्यसको लागि प्रदेश सरकारले पनि काम थाल्न बजेट छुट्याउन तयार रहेको उल्लेख गर्नुभयो ।

प्रदेशको गहनासँग जोडिएको ऐतिहासिक विराटनगर विमानस्थललाई क्षेत्रीय अन्तर्राष्ट्रियस्तरको बनाएर अन्तर्राष्ट्रिय उडान गर्ने बित्तिकै प्रदेश १ मा आर्थिक गतिविधिहरु बढ्ने मन्त्री कार्कीको भनाइ छ ।

विराटनगर विमानस्थलमा झण्डै २० मिनेट भएको छलफलका क्रममा मन्त्री भट्टराईले विराटनगर विमानस्थलको डीपीआर दुई महिनाभित्र स्वीकृत गर्ने प्रतिबद्धता जनाउनु भएको छ । असोज मसान्तभित्र डीपीआर स्वीकृत गरी विराटनगर विमानस्थललाई क्षेत्रीय अन्तर्राष्ट्रियस्तरको बनाउनको लागि काम थालिने उहाँले बताउनु भयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्