अछाममा जीप दुर्घटना: २ जनाकाे ज्यान गयो, ५ जना घाइते

 भदौ १३, २०७६ शुक्रबार १९:१३:२५ | चन्द्र थापा
unn.prixa.net

अछाम - अछाम जिल्लाको मेल्लेख गाउँपालिका-७, नन्देगडामा जीप दुर्घटना हुँदा २ जनाको ज्यान गएको छ भने ५ जना घाइते भएका छन् ।

साँफेबगरबाट नन्देगडा जाँदै गरेको से १ ज ९८६ नम्बरको बोलेरो जीप दुर्घटना हुँदा मेल्लेख गाउँपालिका-७, मौभेरीका कौशी साउँद र कित्थी साउँदको ज्यान गएको वडा अध्यक्ष नर बहादुर साँउदले जानकारी दिनुभयाे । जीप सडकबाट अन्दाजी १ सय ५० मिटर तल खसेको स्थानीय नृप बुढाले जानकारी दिनुभयाे ।

दुर्घटनामा घाइते हुनेमा जीप चालक निर्प साउँद, सहचालक जनक साउँद र मनिषा उपाध्याय रहेको र बाँकी दुई जनाको नाम ठेगाना खुल्न नसकेको स्थानीय नृप बुढाले जानकारी दिनु भयो । घाइतेको प्राथमिक उपचारपछि थप उपचारका लागि न्याय हेल्थ बयलपाटामा ल्याइएको प्रहरीले जानकारी दिएकाे छ ।


 

अन्तिम अपडेट: चैत १४, २०८०

चन्द्र थापा

अछामका उज्यालो सहकर्मी चन्द्र थापा रेडियो रामारोशनमा पनि काम गर्नुहुन्छ । 

तपाईको प्रतिक्रिया