रतुवा मारेको आरोपमा ७ जना पक्राउ

भदौ २७, २०७६ शुक्रबार २०:३४:५८ | पुरुषोत्तम गिरी

सल्यान – संरक्षित वन्यजन्तु रतुवा मारेको आरोपमा सल्यानमा सात जनालाई प्रहरीले गिरफ्तार गरेको छ ।

कुमाख गाउँपालिका–३, इग्रेखोलामा रतुवा मारेर खान तयारी गरेको अवस्थामा मृत रतुवासहित ७ जनालाई पक्राउ गरेको जिल्ला वन कार्यालय सल्यानका निमित्त प्रमुख तथा सूचना अधिकारी मनोज शर्मा लम्सालले जानकारी दिनुभयो ।

पक्राउ पर्नेमा कुमाख गाउँपालिका–३ का ५२ वर्षीय गणेश केसी,४९ वर्षीय शिवकुमार शाही, ४९ वर्षीय कुशे रावत, ४० वर्षीय लिलाधर केसी, २६ वर्षीय तेजबहादुर केसी, ३० वर्षीय देवस्थल केसी र ७५ वर्षीय सोबे बुढा रहेका छन् । आरोपित सबैलाई शुक्रबार जिल्ला अदालतबाट म्याद थप गरी अनुसन्धानका लागि हिरासतमा राखिएको छ ।

घटनामा संलग्न भएको प्रमाणित भएमा राष्ट्रिय निकुन्ज तथा वन्यजन्तु संरक्षण ऐन २०२९ को दफा २६को उपदफा ४ अन्तर्गत चोरी शिकारीअन्तर्गत ६ महिना कैद वा २० हजार जरिबाना अथवा दुवै सजाय हुन सक्ने सूचना अधिकारी लम्सालले जानकारी दिनुभयो ।

बिहीबार रतुवा खानका लागि घाँटी छिनालेर मारेको थाहा पाएपछि प्रहरी घटनास्थल पुगेर आरोपितलाई रंगेहात पक्राउ गरेको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्