भारतीय कारसहित लागुऔषध ओसारपसारमा संलग्न पक्राउ

भदौ २९, २०७६ आइतबार १०:४९:५ | उज्यालो सहकर्मी

मकवानपुर – लागुऔषध गाँजा र चरेशसहित प्रहरीले पाँच जना पक्राउ गरेको छ । हेटौंडा–१५ रातोमाटे लच्का र राक्सीराङ गाउँपालिकाबाट लागुऔषधसहित पाँच जना पक्राउ गरिएको प्रहरीले जानकारी दिएको छ ।

प्रहरीले हेटौँडा–१५ रातोमाटेबाट बीआर ०१ पीएफ ७९९८ नम्बरको भारतीय कारमा लुकाएर लैजान लागिएको अवस्थामा तीन जना भारतीय नागरिक पक्राउ गरेको हो ।

मकवानपुरबाट भारततर्फ लैजान लागिएको ४ केजी ९ सय ग्राम चरेशसहित भारत बिहार मजुफ्फरपुर जिरोमाइरोड बस्ने २८ वर्षीय शिवराज सिंह, यही ठाउँका २४ वर्षीय ज्ञानीकुमार पास्वान र भारत बिहार छपरा बस्ने २४ वर्षीय राजु महतो पक्राउ परेको जिल्ला प्रहरी कार्यालय मकवानपुरका प्रहरी उपरीक्षक (एसपी) मुकेश कुमार सिंहले बताउनुभयो ।

यसैगरी, मकवानपुरको राक्सीराङ गाउँपालिका–४ कालिका दोभानबाट १२ केजी ४ सय ग्राम लागुऔषध गाँजासहित २ जना पक्राउ परेका छन् । कैलाश गाउँपालिका –८ बस्ने २६ वर्षीय राजकुमार थिङ र यही ठाउँका २१ वर्षीय दिपेश थिङ पक्राउ परेको प्रहरीले जनाएको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्