देशका धेरै नदीमा बाढीको सम्भावना, सावधानी अपनाउन आग्रह

भदौ ३१, २०७६ मंगलबार १२:२९:२२ | उज्यालो सहकर्मी

काठमाण्डौ – मंगलबार विभिन्न नदीमा बाढी आउने सम्भावना भएकाले नदी आसपासका बासिन्दालाई सावधानी अपनाउन बाढी पूर्वानुमान महाशाखाले अनुरोध गरेको छ ।

विभिन्न ठाउँमा पानी परिरहेकाले भोलिसम्म नै बाढीको जोखिम रहेको भन्दै महाशाखाले नदी आसपासका बासिन्दालाई भोलिसम्म नै सतर्क हुन अनुरोध गरेको हो । महाशाखाका अनुसार कोशी, बागमती, नारायणी, पूर्वी राप्ती, रिउखोला, आरूण, तिनाउ, बाणगंगा, मनहरी, लोथरखोला, लालबकैयालगायतका नदीमा बाढीको जोखिम छ ।

यस्तै मकवानपुर बारा, पर्सा, चितवन, नवलपरासी, रूपन्देही, कपिलवास्तु, दाङ भएर बहने नदी आसपासका बासिन्दालाई भोलिसम्म नै उच्च सतर्क हुन महाशाखाका बाढीविज्ञ सुनिल पोख्रेलले आग्रह गर्नुभयो । उहाँका अनुसार मंगलबार नवलपरासीको डण्डा, कावासोती र आसपासको गिरिउवारीलगायत अरु साना नदी तटीय क्षेत्रमा पानीको वहाव खतरा तह आसपास पुग्ने सम्भावना छ ।

यस्तै, कोशी नदी चतरामा जलसतहले सतर्कता तह पार गरेको छ । त्यहाँ पानीको सतह खतरा तह आसपास पुग्न सक्ने संभावना रहेकाले सुनसरी र सप्तरी जिल्लाका नदीतटीय क्षेत्रमा बेलुकी सम्मै उच्च सतर्कता अपनाउन उहाँको सुझाव छ ।

यसैगरी, चितवनमा रिउखोलामा ठूलो बाढी आउने संभावना रहेको भन्दै उहाँले आसपासका बासिन्दालाई बेलुकीसम्म नै सतर्कता अपनाउन सुझाव दिनुभएको छ । बुधबार पनि पानी पर्ने भएकाले नदी आसपासका बासिन्दा तथा भिरालो जमिन आसपासका बासिन्दालाई सावधानी अपनाउन बाढी पूर्वानुमान महाशाखाले अनुरोध गरेको छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्