च्याम्पियन्स लिग : बुधबार रियल मड्रिड र पीएसजी प्रतिस्पर्धा गर्दै

असोज १, २०७६ बुधबार १३:४०:५६ | एजेन्सी

च्याम्पियन लिगमा बुधबार हुने खेलमा सिजनको राम्रो सुरुवात गर्ने सोचका साथ रियल मड्रिड पीएसजीविरुद्ध मैदानमा उत्रँदै छ । जहाँ रियल मड्रिडका पूर्व गोलकिपर नाभास आफ्नो पूर्व क्लबको विरुद्धमा मैदान उत्रने भएका छन् ।

रियल मड्रिडमा दोस्रो रोजाइमा रहन असन्तुष्टि जनाउँदै ट्रान्सफर विन्डो बन्द हुनुअघि नाभास पीएसजीमा अनुबन्धित भएका थिए । रियल मड्रिडका प्रशिक्षक जिनेदिन जिदानले गोलकिपर कोर्टवालाई पहिलो र नाभासलाई दोस्रो रोजाइको गोलकिपरको रुपमा लिएका थिए । तर नाभासले असन्तुष्टि जनाएपछि जिदानले निकट भविष्यमा दुई गोलकिपरको सम्बन्ध राम्रो नहुने भन्दै नाभासलाई बेच्ने कुरामा सहमति जनाएका थिए ।

जिदानको पहिलो रोजाइको गोलकिपर कोर्टवाले मड्रिडको यस सिजनको खेलहरु खेलिरहेका छन् भने नाभासले पीएसजीको लागि नयाँ सिजनको दोस्रो खेल खेल्दैछन् ।

कोर्टवाले लेभान्टेविरुद्धको खेलमा उत्कृष्ट प्रदर्शन गरेका थिए जहाँ रियलले लेभान्टेविरुद्ध जित निकालेको थियो । त्यस्तै नाभासले स्ट्रस्बर्गविरुद्धको आफ्नो पहिलो खेलमा राम्रो प्रर्दशन गरेका थिए ।

पहिले एकै क्लबका दुई गोलकिपर नाभास र कोर्टवा बुधबार हुने खेलमा विपक्षीको रुपमा भिन्न–भिन्नै गोल पोस्टमा देखिने भएका छन् । खेल बुधबार राति १२ बजेर ४५ मिनेटमा सुरु हुनेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्