आज पनि मौसम पूर्ण रुपमा नखुल्ने, लगातारको वर्षाले बिहान बेलुकी चिसो बढ्यो

असोज ३, २०७६ शुक्रबार ८:२२:५८ | उज्यालो सहकर्मी

काठमाण्डौ – बिहीबार दिउँसोदेखि मौसममा केही सुधार आए पनि शुक्रबार बिहानैदेखि मौसम बदली भइरहेको छ । शुक्रबार पनि देशभरीकै मौसम पूर्ण रुपमा नखुल्ने मौसमविद्हरुको अनुमान छ ।

शुक्रबार थोरै ठाउँमा मात्र पानी परे पनि देशभरीकै मौसम एकैछिन खुल्ने र फेरि बदली भइहाल्ने मौसमविद् विभूति पोख्रेलले जानकारी दिनुभयो ।

शुक्रबार दिनभरजसो नै मौसम आंशिकदेखि सामान्य बदली भइरहने र देशका थोरै ठाउँमा चट्याङसहित हल्कादेखि मध्यम वर्षा हुने मौसम पूर्वानुमान महाशाखाले जनाएको छ ।

लगातार पानी परेपछि बिहानबेलुकी चिसो बढेको छ । देशभरी कै तापक्रम ४ देखि झण्डै १० डिग्री सेल्सियससम्म घटेको मौसम पूर्वानुमान महाशाखाले जनाएको छ । महाशाखाका अनुसार सोमबार २८ दशमलव ७ डिग्री सेल्सियस मापन गरिएको काठमाण्डौको अधिकतम तापक्रम बिहीबार ८ डिग्री घटेर २० दशमलव ७ डिग्री सेल्सियसमा झरेको छ ।

यस्तै, सोमबार २५ दशमलव ३ डिग्री सेल्सियस मापन गरिएको जुम्लाको बिहीबारको तापक्रम १० डिग्री घटेर १५ दशमलव ३ डिग्री सेल्सियसमा झरेको छ । जुम्लाको बिहीबारको न्यूनतम तापक्रम नै ११ दशमलव २ डिग्री सेल्सियस मापन गरिएको महाशाखाले जनाएको छ । लगातार पानी परेकाले देशभरी नै चिसो बढेको हो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्