बझाङमा लाेपाेन्मुख भुवा पर्व तथा चाली नाच प्रदर्शन

असोज ३, २०७६ शुक्रबार १८:१३:४० | डीबी बिष्ट

बझाङ - संविधान दिवसको अवसरमा बझाङमा लाेपाेन्मुख भुवा पर्व तथा चाली नाच प्रदर्शन गरिएको छ।

स-साना नानीहरुदेखि वयोवृद्धहरुलाई समेत नचाउने सुदूरपश्चिमको प्रसिद्ध भुवा पर्वमा नाचिने चाली नाच प्रदर्शन गरिएकाे नागरिक समाजका अगुवा धर्मजंग बहादुर सिंहले बताउनु भयो ।

कौरव र पाण्डवको युद्धको सम्झनामा नाचिने यो नाच प्रत्येक वर्षको पौष औंँसीका दिन मसाल (राँको) सल्काएर सुरु हुने गरेको भए पनि यसको जगेर्ना गर्न संविधान दिवसको अवसर पारेर प्रदर्शन गरिएको जिल्ला समन्वय समितिका संयोजक खड्क बहादुर खड्काले बताउनु भयो ।

यस नाचमा कौरव र पाण्डवबीच भएको भिडन्तकाे झल्कोलाई प्रदर्शन गर्ने गरिन्छ । कुरुक्षेत्रको युद्धभन्दा पहिले पाण्डवहरु बनवास भएको बेला भेष बदलेर हिमालय पर्वतदेखि भारत वर्षका विभिन्न ठाँउमा घुमेको र विकास निर्माणका काममा स्थानीयको सहभागिता जुटाएको किंवदन्ती रहेको छ ।

किंवदन्ती अनुसार पाण्डवहरुले नै विभिन्न गा‍उँमा भुवा पर्वको आयोजना गरी युद्ध अभ्यास गराएको हुनाले तिनै कथाहरु नाचमा प्रस्तुत गरिएका थिए ।

पछिल्ला पिढीहरुले यो नाच सिक्न चासो दिन छोडेका कारण लोप हुने खतरामा रहेको स्थानीयकाे भनाइ छ । स्थानीय समाजसेवी विष्णुभक्त जोशीका अनुसार भुवामा हाल्ने माणा (भट्याउँदा भन्ने गीत) गाउन कसैलाई नआउने र सिक्ने चासो नराख्ने गरेका कारण परम्परादेखि चलिआएका यस्ता नाचहरु हराउँदै जान थालेका हुन्।

कतिपय गाँउमा त बुढापाका नभएका कारण यो नाच तथा भुवा पर्व मनाउनै छोडिसकेको उहाँले बताउनु भयो । यसको जगेर्ना गर्न स्थानीय निकायहरुले चासो दिनुपर्ने उहाँको सुझाव छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्