संखुवासभा जीप दुर्घटना: पानी परेपछि खाेजी कार्य प्रभावित

असोज ३, २०७६ शुक्रबार १८:५८:४८ | उज्यालो सहकर्मी

संखुवासभा - धर्मदेवी नगरपालिका–८ अक्करको भिरबाट जीप खसेर अरुण नदीमा बेपत्ता भएकाहरुको खाेजी कार्य पानी परेका कारण प्रभावित भएको छ ।

शुक्रबार बिहान ८ बजेदेखि ४ जनाको गोताखोर टोलीले खोजी कार्य जारी राखे पनि दिउँसो ३ बजेतिर पानी परेपछि खोजी कार्य प्रभावित भएको हो । अरुण नदीमा गोताखोर टोलीले विभिन्न उपकरणहरुको प्रयोग गर्दै खोजी गरिरहेका थिए । वर्षाका कारण त्यस क्षेत्रमा पानीको बहाव बढेपछ टोली फर्किएको छ ।

सम्बन्धित समाचार

संखुवासभा दुर्घटना: गोताखोर नआउँदा अरुण नदीमा बेपत्ताहरुकाे खाेजी प्रभावित

काठमाण्डाैबाट आएको तालिमप्राप्त गोताखोर टोलीले दुई दिनसम्म खोजी गर्दा पनि अरुण नदीमा खसेकाे जीप र त्यसमा रहेका यात्रुहरुबारे पत्ता लाग्न सकेको छैन । गाेताखाे टाेलीले सडकबाट जीप खसेको देखिएको स्थानको वरपर चारैतिर पानी भित्रसम्म डुबेर खोजी गरेका हुन् ।

अरुण नदिको अक्करको भिरमा जीप खसेको ठाउँमा पानीको गहिराइ ४० फिट रहेको खोजी कार्यमा संलग्न हवल्दार बलराम अधिकारीले बताउनुभयो । बगेको पानी र अरुण नदीको छाल ठूलो भएकाले गहिराइसम्म पुगेर खोजी गर्न गोताखोर टोलीलाई समस्या भइरहेको छ ।

सम्बन्धित समाचार

संखुवासभा जीप दुर्घटना : अझै भेटिएन बेपत्ताको शव, गोताखोरको टोलीले खोजी गर्दै

‘बाढीका कारण पानी लेदोसहितकाे धमिलो छ । पानीभित्र पस्दा आँखाले झण्डै एक मिटरको हाराहारी मात्रै देखिन्छ । तर हामीलाई विश्वास छ हामी पत्ता लगाउँछौँ ’, अधिकारीले भन्नुभयो ।

वर्षातका कारण अरुण नदीमा पानीको सतह बढेको र र धमिलो भएको हुँदा जीपको खोजी गर्न समस्या भएको बताउँदै जिल्ला प्रहरी कार्यालय संखुवासभाका प्रहरी नायब उपरीक्षक मिमबहादुर लामाले शनिबार पनि खोजी कार्यलाई बिहानैदेखि जारी राख्ने बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्