विपद्का पाँच महिना : दाङमा ४३ जनाको ज्यान गयो, झण्डै एक अर्बको क्षति

असोज ४, २०७६ शनिबार ७:६:५७ | हेमराज शर्मा

दाङ – गएको ५ महिनामा दाङ विभिन्न विपदमा परि ४३ जनाको ज्यान गएको छ । त्यस्तै झण्डै एक अर्बको भौतिक क्षति भएको छ ।

गएको वैशाखदेखि भदौ महिनासम्म विभिन्न विपदमा परेका ३२ पुरुष र ११ जना महिलाको ज्यान गएको हो । सबैभन्दा धेरै पानीमा डुबेर ज्यान गएको छ । पानीमा डुबेर र बगेर मात्रै पाँच महिनामा २३ जनाको ज्यान गएको जिल्ला आपतकालिन कार्य सञ्चालन केन्द्र दाङले जानकारी दिएको छ । जसमा बगेर ४ पुरुष र एक महिलाको ज्यान गएकोे छ । त्यसैगरी, पोखरी तथा कुवामा डुबेर मात्रै ११ पुरुष र ५ महिलाको ज्यान गएकोे कार्य सञ्चालन केन्द्रका सूचना व्यवस्थापन अधिकारी खिलानाथ दाहालले जानकारी दिनुभएको छ ।

खहरे खोलाले बगाउँदा २ पुरुषको ज्यान गएकोे छ । आगलागीमा परि एक–एक जना महिला पुरुषको ज्यान गएकोे छ भने करेन्ट लागेर ३ जनाको ज्यान गएको छ ।

यसैबीच दाङमा सर्पले टोकेर ४ जना पुरुष र ३ महिला गरी ७ जनाको ज्यान गएको छ । चट्याङका कारण ३ पुरुष र एक महिलाको ज्यान गएको केन्द्रको तथ्यांकमा छ । यसैगरी काम गर्ने क्रममा सिमेन्ट उद्योगको प्लान्टबाट खसेर ३ जना र रुखबाट खसेर एक जनाको ज्यान गएको छ ।

झण्डै एक अर्बको क्षति

प्राकृतिक प्रकोपका कारण झण्डै एक अर्बको भौतिक क्षति भएको छ । आगलागी, बाढी, वर्षा र हावाहुरीले ९३ करोड ८६ लाख ४३ हजार ३ सय रुपैयाँ बराबरको आर्थिक नोक्सानी भएको केन्द्रले जनाएको छ ।

६२ घरगोठमा आगलागी हुँदा ९१ करोड ३८ लाख ९५ हजार ३ सय, बाढीबाट १ करोड ४७ लाख ९ हजार, वर्षाका कारण ७५ लाख ८३ हजार र हावाहुरीका कारण २४ लाख ५६ हजार रुपैयाँको क्षति भएको छ ।

प्राकृतिक विपत्तिबाट विभिन्न १ सय २३ वटा घटना भएका छन् । तीमध्ये ६० घर पूर्ण रुपमा, २८ आंशिक, २६ गोठ, ९ भान्सा, एक कटेरोमा क्षति पुर्‍याएको छ । ती घरका २ सय ५० जना व्यक्तिहरु विस्थापित भएका छन् ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्