शनिबार रातिदेखि देशका धेरै ठाउँमा पानी पर्ने सम्भावना

 असोज ४, २०७६ शनिबार ८:२६:१८ | उज्यालो सहकर्मी
unn.prixa.net

काठमाण्डौ – शनिबार रातिदेखि फेरि धेरै ठाउँमा पानी पर्ने मौसमविद्ले अनुमान गरेका छन् ।

पश्चिम भारतमा बनेको न्यूनचापीय क्षेत्रको असरले शनिबार रातिदेखि मध्य र पूर्वी नेपालमा पानी पर्ने सम्भावना रहेको मौसमविद् समिर श्रेष्ठले बताउनुभयो ।

मौसमविद् श्रेष्ठका अनुसार पश्चिम भारतमा बनेको न्यूनचापीय क्षेत्रका कारण नेपालमा पानी पार्ने बादलसहितको हावा आउँछ । त्यही हावाले नेपालमा पानी पर्छ । तर गएको बुधबार र बिहीबारको जस्तो लगातार वर्षा भने नहुने उहाँको अनुमान छ ।

अहिले बिहान भने देशका धेरै ठाउँको मौसम आशिंकदेखि सामान्य बदली छ । अहिले कतै घाम लागेको र कतै बदली भएको मौसमविद् श्रेष्ठले जानकारी दिनुभयो । शनिबार देशभरिकै मौसम एकैछिन खुल्दै फेरि बदली हुने सम्भावना छ भने केही ठाउँमा मेघगर्जनसहित पानी पर्ने उहाँको अनुमान छ । 

अन्तिम अपडेट: असोज २४, २०७६

तपाईको प्रतिक्रिया