७० वर्षको उमेरमा दुब्लो शरीर लिएर शहर घुमेकी ‘तिकिरी’को मृत्यु

असोज १०, २०७६ शुक्रबार ९:२:४३ | एजेन्सी

श्रीलंकामा ७० वर्ष उमेरको एक हात्तीले संसार छोडेको छ । एक महिना अघिसम्म दुब्लो शरीर लिएर श्रीलंकाको शहरमा घुमेकी ७० वर्षीया बूढी हात्तीको श्रीलंकाको राजधानी कोलम्बोबाट ८० किलोमिटर टाढा केगेलमा मंगलबार राति मृत्यु भएको हो ।

अधिकारीहरुले बुधबार हात्तीको मृत्यु भएको पुष्टि गरेका हुन् । ‘तिकिरी नामक यो हात्ती केही समय अघिदेखि बिरामी परेको थियो ।

विश्व हात्ती दिवसमा बुढी तिकिरी हात्ती मेलामा हिँडिरहेको तस्बिर सामाजिक सञ्जालमा आए पछि हात्तीको निकै चर्चा भएको थियो । पेराहेरा मेलामा बूढी तिकिरी हात्तीलाई अन्य ६० वटा हात्तीसँगै १० दिन सहर घुमाइएको थियो ।

तिकिरी हात्तीको दुर्बलता तथा कमजोर अवस्थालाई लिएर श्रीलंकामा जनावरको अधिकारको पक्षमा वकालत गर्नेहरुले सरकारको आलोचनासमेत गरेका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्