डडेल्धुराको एकमात्र कभर्ड हल वर्षाले भत्कायो

असार ३१, २०७५ आइतबार ११:०:५४ | तपेन्द्र बिष्ट

डडेल्धुरा – लगातारको वर्षापछि डडेल्धुरामा रहेको एक मात्र कभर्ड हल भत्किएको छ । जिल्लाको एक मात्र कभर्ड हल भत्किए पछि अब इनडोर खेलहरुका लागि समस्या भएको जिल्ला खेलकुद विकास समितिका अध्यक्ष राजेन्द्रबहादुर मगरले बताउनुभयो ।

इनडोर खेलहरु खेल्नका लागि अनिवार्य हलको प्रयोग हुने भएकाले अबदेखि खेल खेल्न समस्या हुने खेलाडी सुनिल तामाङले बताउनुभयो । ब्याडमिन्टन, टेबल टेनिस, कराँते, बक्सिङ, चेस जस्ता खेलहरु कभर्ड हलविना खेल्न नसकिने तामाङले बताउनुभयो ।

सदरमुकाम खलंगामा ३४ वर्ष पहिले निर्माण भएको जीर्ण कभर्डहलको मर्मत सम्भार गरिएको थिएन । जीर्ण भएको र मर्मतसम्भारको कुनै पहल नभएकाले अविरल वर्षाका कारण कभर्ड हल भत्किएको जिल्ला खेलकुद विकास समितिका अध्यक्ष मगरले बताउनुभयो ।

कभर्डहल मर्मतका लागि बारम्बार राष्ट्रिय खेलकुद परिषद (राखेप) र प्रदेश सरकारलाई मर्मतका लागि अनुरोध गरे पनि सुनुवाई नभएको उँहाले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपेन्द्र बिष्ट

डढेलधुराका उज्यालो सहकर्मी तपेन्द्र विष्ट रेडियो अमरगढीमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्