किताब पढेर विश्व कीर्तिमान !

असोज १३, २०७६ सोमबार ९:४३:४४ | डीबी बिष्ट

बझाङ – बझाङका मुकेशराज जोशीले सबैभन्दा धेरै समय लगातार पढेर विश्व कीर्तिमान कायम गर्नुभएको छ । जयपृथ्वी नगरपालिका–८ जोशीगाँउका मुकेशराज जोशीले लगातार १ सय २४ घण्टा ३० मिनेट किताब पढेर विश्व कीर्तिमान कायम गर्नुभएको हो ।

गिनिज इभेण्टको आयोजनामा उहाँले साउन ५ गते बिहान ११ : ३० बजेदेखि पढ्न सुरु गर्नुभएको थियो । यसअघि सन् २००८ मा नेपालकै दीपक शर्माले १ सय १३ घण्टासम्म पढेर सन् गिनिज बुकमा नाम लेखाउनुभएको थियो ।

को हुन् जोशी ?

बुबा परशुराम जोशी र आमा जालदेवी जोशीका कान्छा छोरा मुकेशको जन्म २०५४ साल मंसिर १७ गते भएको हो । उहाँले कक्षा १० सम्म जालपा माध्यमिक विद्यालमा पढ्नुभएको हो । त्यसपछि उहाँले सत्यवादीबाट प्लस टु गर्नुभएको हो ।

विपन्न परिवारमा जन्मनुभएका जोशी सानैदेखि सरकारी जागिर खाने सोचमा हुनुहुन्छ । घरको आर्थिक अवस्था कमजोर भएका कारण काठमाण्डौको रोयल क्यासिनोमा काम गर्नुका साथै लोकसेवाको तयारी र आफ्नो अध्ययनलाई निरन्तरता दिइरहनुभएको छ ।

लोकसेवा आयोगका विभिन्न किताबहरु पढ्दै जाँदा उहाँले गिनीज बुकमा लगातार १ सय १३ घण्टा अध्यायन गरेर नाम लेखाएको प्रश्न भेटाउनुभयो । यही प्रश्नबाट उहाँले लगातार पढेर विश्व कीर्तिमानी राख्ने सपना देख्न थाल्नुभयो ।

उहाँका काका न्यायधीश केशवराज जोशी, जकराज जोशी, केएमसी कलेज काठमाण्डौलगायत धेरैले उहाँलाई सहयोग समेत गरे । यसैबाट उहाँले सफलता हासिल गर्न सफल हुनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्