समयमा तलब नपाउँदा सोनमा गाँउपालिकाका शिक्षकहरुको दशैँ खल्लो

असोज १९, २०७६ आइतबार १७:१६:२३ | धनवीर महतो

महोत्तरी - गाउँपालिकाको कार्यालयले समयमै तलब नखुवाउँदा सोनमा गाँउपालिकामा कार्यरत शिक्षकहरुको दशैँ खल्लो भएको छ ।

गाउँपालिकामा कार्यरत शिक्षकहरुले समयमा तलब पाउनुपर्ने माग राख्दै गाँउपालिकाका अध्यक्ष राजकुमार यादवलाई पहिले नै ज्ञापन पत्रसमेत बुझाइसकेको तर गाउँपालिकाले आश्वासन पूरा नगरेको नेपाल शिक्षक महासंघ सोनमाका अध्यक्ष रमेश कुमार यादवले बताउनुभयाे ।

यस सम्बन्धमा गाउँपालिकाका शिक्षा शाखाका प्रमुख राजकुमार साहले बजेट निकासामा अलि ढिलाइ भएकाले सबैलाई तलब खुवाउन नसकिएको जानकारी दिनुभयाे ।

गाउँपालिकाको कार्यालयले परिषदमा पेश गरेको आर्थिक वर्ष २०७६। ०७७ को बजेट योजना ढिलो गरी पारित भएकाले समयमै खातामा पैसा राख्न नसकिएको गाँउपालिकाका प्रवक्ता अशोक कुमार यादवले बताउनुभयाे ।

दशैँमा पैसा नपाए पनि दशैँ सकिएलगत्तै कर्मचारीहरुको खातामा पैसा जम्मा गर्न बिदाको समयमा पनि कर्मचारीलाई खटाइएकाे गाँउपालिकाका प्रवक्ता यादवले जानकारी दिनुभयाे ।

सोनमा गाउँपालिकाका १७ वटा सामुदायिक विद्यालयमा १ सय ४६ शिक्षक कार्यरत रहेका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्