दाइजोका कारण विराटनगरकी रञ्जुदेवीको जोगबनीमा हत्या

असोज २६, २०७६ आइतबार १८:११:५० | सुमन तिमल्सिना

मोरङ – दाइजो नदिएको भन्दै जोगबनीमा एक महिलाको हत्या भएको छ । विराटनगर महानगरपालिका–११ पञ्चमुखी चोकका मनिकचन्द सहनीकी २२ वर्षीया छोरी रञ्जुदेवी सहनी (बहरदार) को जोगबनीमा हत्या भएको हो ।

भारतको अररिया जिल्लामा पर्ने परवाना नदीको मिरगन्ज पुलनजिकै रञ्जुको हत्यापछि शवलाई पानीमा डुबाएर राखेको अवस्थामा भेटिएको छ । स्थानीयवासीले उनको शव खोलामा देखेपछि जोगबनी प्रहरीलाई खबर गरेका थिए ।

प्रहरीको निर्देशनमा मृतकको शवलाई आफन्तले खोलाबाट निकालेका छन् । शवको पोष्टमर्टमपछि नेपाल नै ल्याएर दाहसंस्कार गरिने मृतकका माइतीपक्षले बताएका छन् । हत्यामा संलग्न चार जनालाई भारतीय प्रहरीले पक्राउ गरेको छ । जोगबनी प्रहरी चाैकीका इञ्चार्ज अफताब अहमदका अनुसार रञ्जुका श्रीमान् भीम बहरदार, जेठाजु अर्जुन बहरदार, ससुरा सैनी बहरदार, छिमेकी शिवानन्द मुखिया पक्राउ परेका छन् ।

हत्यामा संलग्न चारजनाविरुद्ध रञ्जुका माइतीपक्षले भारतीय प्रहरीसमक्ष ज्यान मार्ने उद्योगसम्बन्धी मुद्दा दर्ता गराएका छन् । पक्राउ परेका चार जनामाथि थाना कार्ड नम्बर ३०३ र १९ को दफा ३०४ बी, २०१ र भारतीय दण्ड विधान ३४ अन्तर्गत मुद्दा दर्ता भैसकेको जोगबनी प्रहरी थानाले जनाएको छ ।

रञ्जुको हत्याको कारण दाइजाे

गएको फागुनमा भारतको अररिया जिल्लाको तकिया निवासी २५ वर्षीय भीम बहरदारसँग रञ्जुदेवीको विवाह भएकाे थियाे । विवाहपछि बहरदार परिवारले पटक-पटक रञ्जुलाई दाइजोको विषयमा मानसिक र शारीरिक यातना दिँदै आएका थिए र दाईजोकै दबाबका कारण माइतीपक्षले केही समय अगाडि मात्र मोटरसाइकलसमेत किनेर दिएकाे बताएका छन् ।

‘हामीले भर्खरै मात्र ९० हजारको मोटरसाइकल किनिदिएका थियौँ’, रञ्जुका हजुरबुबा उमालाल सहनीले भन्नुभयो, ‘फेरि छोरीका सासु–ससुरा र श्रीमानले पसल गर्न भनेर दुई लाख मागे, त्यो दिन नसकेपछि यसरी हत्या भएको हो ।’

यसअघि पनि छोरीलाई सासू–ससुरा र श्रीमानले पटक-पटक दाइजोको लागि यातना दिँदै आएको उमालालले बताउनुभयो । पछिल्लो पटक माग गरिएको दुई लाख नदिएकै कारण नातिनीले ज्यान गुमाउनु परेको उमालालको भनाइ छ ।

दुई दिनदेखि हराएकी रञ्जुको बारेमा जोगबनी थानामा माइतीपक्षले शनिबार उजुरी दिएका थिए । भारतीय प्रहरीले माइतीपक्षको निवेदनका आधारमा परिवारका चार जनालाई फक्राउ गरेको हो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्