भारतीय मूलका अभिजीत बनर्जीसँगै तीन जनालाई यस वर्षकाे अर्थशास्त्रतर्फकाे नाेबेल पुरस्कार

असोज २७, २०७६ सोमबार १६:३९:४३ | एजेन्सी

यस वर्षको अर्थशास्त्र तर्फको नोबेल पुरस्कार तीन जनालाई संयुक्त रुपमा प्रदान गरिने भएको छ ।

भारतीय मूलका अमेरिकी अर्थशास्त्री अभिजीत बनर्जीसँगै एस्थर डफ्लो र माइकल क्रेमरलाई संयुक्त रुपमा यो सम्मान दिने घोषणा गरिएको छ ।

यी तीनै जनालाई विश्वभरिको गरिबी हटाउनको लागि प्रयोगात्मक अनुसन्धानमा पहल गरेको सम्मानमा यो पुरस्कार दिन लागिएको हो । गएको दुई दशकमा यो अनुसन्धानको सबैभन्दा धेरै भूमिका रहेको छ ।

विश्वभरि नै गरिबीको संख्या ७० करोडको हाराहारीमा रहेको बताइन्छ ।

अभिजीत बनर्जीको एक अध्ययनमा नै भारतमा विकलाङ्ग बालबालिकाको विद्यालय शिक्षाको व्यवस्था राम्रो बनाइएको छ । । जसका कारण झण्डै ५० लाख बालबालिकालाई फाइदा पुगेको छ ।

नोबेल पुरस्कार प्राप्त गर्ने तीन जनामा अभिजीत बनर्जीका साथै एस्थर डफ्लो पनि छन्, जो अर्थशास्त्र विधामा नोबेल पुरस्कार जित्ने सबैभन्दा कम उमेरकी महिला हुन् । साथै उनी अर्थशास्त्रमा नोबेल पुरस्कार जित्ने दोस्रो महिला पनि हुन् ।

पुरस्कारको घोषणा भएपछि एस्थरले पत्रकार सम्मेलनमा भनिन्, ‘महिलाहरु पनि सफल हुन सक्छन् । यसबाट धेरै महिलाहरुलाई प्रेरणा मिल्नेछ र धेरै पुरुषले महिलालाई सम्मान दिन सक्छन् ।’

कोलकाेता विश्वविद्यालयबाट सन् १९८१ मा बीएससी गरेको अभिजीतले सन् १९८३ मा जवाहरलाल नेहरु विश्वविद्यालय (जेएनयू) बाट स्नातकोत्तरको पढाइ पूरा गरेका थिए । उनले हार्वर्ड विश्वविद्यालयबाट पीएचडी गरेका थिए ।

अभिजीत बनर्जीको जेएनयू कनेक्शनलाई लिएर पनि सामाजिक सञ्जालमा चर्चा सुरु भैरहेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्