भारत र टर्कीबीच तनाव बढ्यो, मोदीको भ्रमण रद्द

कात्तिक ३, २०७६ आइतबार ११:३५:३६ | एजेन्सी

भारतीय प्रधानमन्त्री नरेन्द्र मोदीको टर्की भ्रमण रद्द गरिएको भारतीय सञ्चारमाध्यमहरुले जनाएका छन् । एक रिपोर्टकाअनुसार कश्मीरमा टर्कीले देखाएको व्यवहारका कारण भारतले यो फैसला गरेको बताइएको छ ।

गएको महिना २४ सेप्टेम्बरमा संयुक्त राष्ट्रसंघको आमसभालाई सम्बोधन गर्दै टर्कीका राष्ट्रपति रेचेप तैय्यप अर्दाेआनले जम्मू–कश्मीरबाट धारा ३७० हटाइएको बारेमा मुद्दा उठाएका थिए ।

यस वर्षको गएको जुन महिनामा प्रधानमन्त्री मोदी र टर्कीका राष्ट्रपति अर्दाेआनबीच भएको भेटवार्तामा यो वर्षको अन्त्यसम्ममा प्रधानमन्त्री मोदी टर्की जाने कार्यक्रम रहेको थियो ।

यी दुई देशबीचको सम्बन्धमा चिसो आउनुको कारण टर्कीले कश्मीर र वित्तीय कारबाही कार्य बल (एफएटीएफ) मा पाकिस्तानको समर्थन जनाउनु नै हो ।
टर्कीले उत्तरी सिरियामा कुर्दमाथि आक्रमण सुरु गरेपछि भारतले टर्कीको आलोचना गर्दै सम्प्रभुताको सम्मान हुनुपर्ने बताएको थियो ।

भारतीय अखबार ‘द हिन्दू’का अनुसार भारतले टर्कीको अनादोलु शिपयार्डले भारतमा जहाज बनाउने सम्झौता पनि रद्द गरेको छ । अखबारले भारतको विदेश मन्त्रालयसँग प्रधानमन्त्री मोदीको टर्की भ्रमणका बारेमा बुझ्दा मन्त्रालयले कुनै भ्रमणको योजना नभएको बताएको थियो ।

तर भारतका लागि टर्कीका राजदूत साकिर ओजकानले भारतीय प्रधानमन्त्री अंकारा आउनेमा टर्की सरकार विश्वस्त रहेको जनाएका छन् । उनले कश्मीरमा चीनले पनि भारतको आलोचना गरेको र चिनियाँ राष्ट्रपति सी जिनपिङको भारत भ्रमण भएको बताए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्