हिमाल आरोहणका क्रममा दोलखामा स्पेनी नागरिकको ज्यान गयो

कात्तिक ३, २०७६ आइतबार १७:३४:२९ | उषा तामाङ

दोलखा – हिमाल आरोहणका क्रममा दोलखामा एक जना स्पेनी नागरिकको ज्यान गएको छ ।

गौरीशंकर गाउँपालिका ९ को गौरीशंकरमा पर्ने ‘चुकिमा गो’ हिमाल आरोहण गर्ने क्रममा ४४ वर्षीया लुइल फेलिपे भल्भरोय गुज्रम्यानको ज्यान गएको हो । यो हिमालको उचाइ ६ हजार दुई सय ५८ मिटर रहेको छ ।

उहाँको ‘स्नो एन्करिंग (हिउँमा डाेरी अड्याउन धारिलाे उपकरण खाेप्ने काम)’ का क्रममा लडेर घटनास्थलमै ज्यान गएको हो भने उहाँका सहकर्मी स्पेनी नागरिक डेभिड सुइला फर्नान्डेस घाइते हुनुभएको छ ।

फर्नान्डेसलाई डोरीको बीचमा अड्किरहेको अवस्थामा उद्धार गरी हेलिकप्टरमार्फत काठमाण्डौ पठाइएको दोलखाका प्रहरी प्रवक्ता तथा प्रहरी निरीक्षक (इन्स्पेक्टर) रेशम बोहराले जानकारी दिनुभयो ।

चार जना स्पेनी नागरिकको टोली हिमाल आरोहणका लागि अन्नपूर्ण ट्रेक एण्ड एक्सपिडिसनमार्फत गएको असोज १२ गते काठमाण्डौबाट दोलखा आएका थिए । बाँकी दुई जना आरोहीको अवस्था भने सामान्य रहेको दोलखा प्रहरीले जनाएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्